Debleskri gili 103:20 - O Debleskro Lab 2024 (Sinte-Manouche)

²⁰ Sharenn o baro Debles, t'mer bolepangre, kay han leskre zorele kourepangre, oun krenn, hoy yob penell, oun shounenn ap leskre laba!

O Debleskro Drom 2021 (Sinte)

²⁰ Sharenn o baro Debles, tumer bolepangre, kai han leskre sorele kurepangre, un krenn, hoi job penell, un shunenn ap leskre laba!

Debleskri gili 103:20 ပူးပေါင်းရင်းမြစ်များ

2. Rajengro liil 19:35

Oun an koy rati vas o baro Debleskro bolepaskro kote, kay i lourde dran o them Assour sovan, oun maras 185.000 (sheel-orhta-deesh-te panč zerya) morsha lendar. Oun har le taysarlakro pre stan, his kote lauter moule čiddo.

Debleskri gili 148:2

T'mer tsele bolepangre, sharenn les! T'mer leskre kourepangre, sharenn les!

Debleskri gili 148:5

T'mer lauter, sharenn o baro Debles! Yob rakras, oun yon van kerdo.

Debleskri gili 29:1

I gili o Davidestar. T'mer bolepangre, sharenn o baro Debles! Sharenn leskro raylepen oun leskri zoor!

Debleskri gili 78:25

Ava, maro, hoy i bolepangre rhan, das lo lende lauterende. Boud rhapen das lo len oun kras len čalo.

Jesaja 6:2

Yagengre bolepangre his pral leste tardo, hakenes lendar his shob moussya har čirklengre moussya: douyentsa čakran le pengre yaka, douyentsa čakran le pengre pire oun douyentsa hadan le pen an o bolepen.

Daniel 11:1

Koleske vom me ninna ap i rig, oun dom les zoor oun dom yak ap leste an ko tsiro, kay o Darius, ko Medari, an o ersto bersh o baro ray his.”

Joel 2:11

O baro Devel dell bari gole glan peskre kourepangre, te penell lo len, hoy te krenn le. Boud boud hi le oun len hi bari zoor, oun krenn, hoy lo lenge penell. Ava, o dives o baro Deblestar hi baro oun pherdi traash. Koon nay rikrell les vin?

Mateo 26:53

Me nay mangoms miro dadestar an o bolepen, te bičrell lo mange boudeder har efta-deesh-te-douy zerya (72.000) bolepangren, te venn le ap miri rig.

Mateo 6:10

Te vell ko tsiro sik, kay tou o ray hal pral i tseli phoub! Te krenn i menshe ap i phoub kova, hoy tou kameh, yaake har ninna kolla an o bolepen krenn, hoy tou kameh!

Louka 1:19

O bolepaskro penas ap leste: “Me hom o Gabriel, oun me hom glan o Debleste tardo. O Devel bičras man pash toute, te penap touke kova.

Hebrearja 1:14

I tsele bolepangre hi leskre boudepangre. Kolen bičras o Devel ap i rig kolendar, kay djan ap o Debleskro drom, te lenn le o Debleskro djipen, hoy gar pre-herella.