Debleskri gili 103:13 - O Debleskro Lab 2024 (Sinte-Manouche)

¹³ Yaake har i dad peskro dji pre krell peskre čavenge, yaake krell o baro Devel peskro dji pre kolenge, kay djivenn leha.

O Debleskro Drom 2021 (Sinte)

¹³ Jaake har i dad peskro dji pre krell peskre tchawenge, jaake krell o baro Dewel peskro dji pre kolenge, kai djiwenn leha.

Debleskri gili 103:13 ပူးပေါင်းရင်းမြစ်များ

Debleskri gili 103:11

Yaake dour har o bolepen pral i phoub hi, yaake baro hi leskro lačepen kolenge, kay djivenn leha.

Debleskri gili 103:17

O lačepen o baro Deblestar hi gar yaake. Kova ačella hako tsireske. An kek tsiro lell lo les krik kolendar, kay djivenn leha. Ninna lengre čavenge oun kolengre čavenge rikrell yob peskro lab,

Debleskri gili 147:11

O baro Debleske hi kolla shoukar, kay leha djivenna oun ap leste dikenna, te vell lo lenge lačes.

Gosewe laba 3:12

Kones o baro Devel o djiyestar kamell, koles dell lo, yaake har i dad peskro čaveha krell, ap koleste yob lačes dikell.

Jeremia 31:20

Efrayim, tou hal miro kouč čavo, miro čavo, koles kamau boud! Hako kopo, kay hounte dap les trad, vell lo mange gar dran o shero. Miro dji dell zoreles an mande: me hounte vap leske lačes, penell o baro Devel.

Jeremia 31:9

Yon venna ropah. Oun me rakrau lenge lačes, oun anau len pash panya oun ap lače dromma, te perell kek; me hom o Israeleskro dad, oun o Efrayim hi miro phoureder čavo.

3. Mose 26:44

Ninna te hi le an o them kolendar, kay lan len pandles, hi kova gar yaake, te rissroms man krik lendar, oun kamoms či bouder lendar te djinell. Me moukau len gar lauter te merell. Miri sovel, hoy lende dom, phagau gar. Me, o baro Devel, hom lengro Devel.

4. Mose 11:12

Hi kalla halauter mire čave? Van yon mandar boldo? Har nay peneh tou ap mande: Hidje len an tire moussya, har i djouvel, kay hidjrell i ternepen, te anap len an ko them, kolestar penal lengre phourenge, te dess ko them lenge?

Mateo 6:32

Kova krenn kol menshe, kay prindjrenn o Debles gar. T'maro dad an o bolepen djinella, hoy t'men hounte vell djipaske.

Mateo 6:9

T'mer te rakrenn o Debleha, penenn: Maro dad an o bolepen. Tiro lab vell sharedo!

Johanni 20:17

Penas o Yezous ap late: “Ma tape ap mande! Me djom gomme gar pash o dadeste pale. Dja pash mire phralende oun pen lenge: Me djau pash miro dadeste oun pash t'maro dadeste oun pash miro Debleste oun pash t'maro Debleste.”

Bičepangre 13:26

Mire phrala, t'mer, kay han o Abrahameskre menshe, oun t'mer vavar, kay mangenn o Debles an, t'menge penau: O Devel bičras t'menge peskro lačo lab, hoy dell t'men o djipen, hoy gar pre-herella.

5. Mose 3:5

Hako foro his i zorelo foro, koles bare massurya troul peste his. An lende his bare voudya, hoy sasterentsa pandlo van. Ninna his kote boud gaba, kolen kek massurya his.