Debleskri gili 103:1 - O Debleskro Lab 2024 (Sinte-Manouche)

¹ O Davidestar. Miro tselo djiyestar sharau o baro Debles. Lauter, hoy an mande hi, sharell leskro Debleskro lab!

O Debleskro Drom 2021 (Sinte)

¹ O Davidestar. Miro tselo djijestar sharau o baro Debles. Lauter, hoi an mande hi, sharell leskro Debleskro lab!

Debleskri gili 103:1 ပူးပေါင်းရင်းမြစ်များ

Debleskri gili 103:22

Sharenn o baro Debles, t'mer lauter, kay van lestar kerdo! Sharenn les, kay t'mer ninna djivenna an leskro them! Ninna tou, miro dji, share o baro Debles!

Debleskri gili 104:1

Miro tselo djiyestar sharau o baro Debles. Miro baro Devel, har baro hal tou! An shoukapen oun raylepen hal tou rido.

Debleskri gili 111:1

Sharedo vell o baro Devel! Miro tselo djiyestar sharau o baro Debles kote, kay kolla khetne venna, kay o čačo drom djan.

Debleskri gili 138:1

I gili o Davidestar. Parkrau man pash toute miro tselo djiyeha. Touke givau miri gili, oun kek vavar debleske.

Debleskri gili 145:1

Kay gili kras o David te sharell lo o Debles. Me kamau tout te hadell, miro Debles. Tou hal o baro ray. Tout kamau me te sharell kanna oun hako tsiro.

Debleskri gili 47:7

Givenn o Debleske! Givenn oun sharenn les, givenn maro baro rayeske! Givenn!

Debleskri gili 63:5

Me parkrau man pash toute yaake rah har me djivau. Oun me hadau mire vasta pre, te mangap tout an.

Debleskri gili 99:3

Mou hadenn le lauter tiro baro oun raylo lab! Tou kokres hal o čačo Devel.

Jesaja 6:3

Oun yek das ap o vavareste gole oun penas: Lačo - oun čačo - har kek vavar - hi o baro Devel, ko ray pral o bolepen oun i phoub. I tseli phoub hi pherdo leskro raylepen!

Johanni 4:24

O Devel hi kek mensho, – yob hi i dourho. Oun kolla, kay mangenn les an, kolen hounte vell o Debleskro Dourho. Kova sikrell len, har te mangenn le les čačepah an.”

1. Korintarja 14:15

Hoy hounte krap me kanna? Me kamau te rakrap o Debleha an i rakepen, hoy o Debleskro Dourho man das. Ninna kamau me te rakrap leha i labentsa, hoy me hayvau. Oun me kamau leske te givap, har o Debleskro Dourho moukell man te givell. Oun ninna kamau te givap i labentsa, hoy me hayvau.

Filiparja 1:9

Oun me mangau o Deblestar, te vell t'maro kamlepen bareder oun bareder, te hayvenn, hoy o Devel kamella, oun te djinenn, hoy te krenna.

Kolossarja 3:16

Ma moukenn tele, te rakrenn oun shounenn o lab o Yezous Kristestar! Rakrenn les t'menge an o dji! Avenn gosevo koy pashel, te sikrell yek o vavareste, har te djal lo ap o Debleskro drom! Givenn Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Ava, givenn o Debleske, oun sharenn les an t'mare djia!

Debleskro tsiro 4:8

Oun hakenes lendar his shob čirklengre moussya. Kolla his dren oun vin pherde yaka. Oun yon givenn o tselo dives oun i tseli rat: Lačo - oun čačo - har kek vavar - hi o Devel, ko ray pral halauter. Hako tsiro djivell lo, kanna, oun an ko tsiro, hoy his, oun hoy vella.