Debleskri gili 102:4 - O Debleskro Lab 2024 (Sinte-Manouche)

⁴ Mire divessa djan trouyel har i tampa hoy djal dran i yag pre. Mange hi tato, har vals i yag an mande.

O Debleskro Drom 2021 (Sinte)

⁴ Mire diwessa djan trujel har i tampa hoi djal dran i jag pre. Mange hi tato, har wals i jag an mande.

Debleskri gili 102:4 ပူးပေါင်းရင်းမြစ်များ

2. Samuel 12:17

Koy van kol phoureder dran leskro kheer oun kaman les pre hadell i phoubyatar. Oun yob kamas gar, oun rhas vitar gar lentsa.

Esra 10:6

Oun o Esra djas peske krik o Debleskro kherestar, oun djas an i kheer o Yohananestar, koleskro dad o Elyashib his. Kote ačas lo i tseli rati, rhas kek maro oun piyas kek pani; leske his phares pral kolende, kay dran o pandepen dran o them Babilonia vin van oun o Debleskro dromestar tele peran.

Hiob 10:1

Kamau bouder gar te djivell. Doleske rikrau miro ropen ninna gar pale, oun rakrau yaake, har miro doukedo dji mange penell.

Hiob 30:30

Miri hauta vas kalo ap mande, oun perell mandar tele. Oun o fibro rhačell an mire kokale.

Hiob 33:20

Oun leske vell djoungeles glan o rhapen, ninna glan ko rhapen, hoy lo yaake kamas.

Hiob 6:4

Mange djal yaake, har te dals o zorelo Devel karye ap mande, oun leskre fayle vans an mande, hoy anenn mange o merepen. Kova, hoy moukell o Devel ap mande te vell, krell man i bari daar.

Debleskri gili 102:9

Hako dives sanenn kolla pral mande, kay kamenn mange čilačepen, oun praasenn man.

Debleskri gili 37:2

Yon hi har khass, hoy merell, te dell kek brishin, oun har o zenlepen, hoy ačell gar.

Debleskri gili 42:6

Hoske rovell miro dji, oun hi yaake pharo an mande? Ap miro Debleste kamau te dikell. Me djinau, te vell i tsiro, kay sharau les, miro Debles, te vas lo ap miri rig.

Debleskri gili 69:20

Tou prindjreh i ladj, hoy ap mande peras, tou djineh, har yon man praasan oun pal mande rakran. Kolla, kay mange o djipen phares krenn, hi lauter glan tire yaka.

Debleskri gili 77:3

An miri bari daar rodom me o baro Debles. Rati rikrom miro vast pre pash leste oun moukom gar tele. Miro dji rovas oun kamas gar tele te moukell.

Jesaja 40:7

Te phourdell o baro Devel pral lende, vell o khass djelto, oun i blouma perell tele. Čačepah, i menshe hi har khass!

Ropaskre gilja 3:13

Yob das peskre fayle an mire bouke karye.

Ropaskre gilja 3:20

An miro shero djal kova halauter trouyel, oun miro dji hi tele rikedo.

Bičepangre 9:9

Triin divessa nay dikas lo gar, oun rhas oun piyas či.