Debleskri gili 102:3 - O Debleskro Lab 2024 (Sinte-Manouche)

³ Ma dja krik mandar ap kava dives, kay mange ropaske hi! Risse tout pash mande ap kava dives, kay ap toute gole dau! Shoun man sik!

O Debleskro Drom 2021 (Sinte)

³ Ma dja krik mandar ap kau diwes, kai mange ropaske hi! Risse tut pash mande ap kau diwes, kai ap tute gole dau! Shun man sik!

Debleskri gili 102:3 ပူးပေါင်းရင်းမြစ်များ

Hiob 30:30

Miri hauta vas kalo ap mande, oun perell mandar tele. Oun o fibro rhačell an mire kokale.

Debleskri gili 119:83

Me perom an mande khetne har i molyakro gono, hoy pash i yag čiddo hi. Ninna te hi man bouder kek zoor, bistrau me gar, hoy tou mandar kameh.

Debleskri gili 27:9

Ma dja touke mandar! Biče man, tiro boudepaskres, gar toutar krik an tiri rholi! Tou hal kova, kay vas mange ap i rig hako tsiro. Miro Devel, tou hal kova, kay man vin lell. Ma mouk man! Ma de man pre!

Debleskri gili 31:10

Baro Devel, ab lačes mange! Me djivau an i daar, mire yaka hi pesso o ropastar. Oun kek zoor hi bouder an mande.

Debleskri gili 31:3

Shoun, har dau ap toute gole, oun ab sik ap miri rig! Ab mange har i baro zorelo bar, kay nay khatrau man! Ab mange har i zorelo kheer, te nay hatsell man kek!

Debleskri gili 37:20

I čilače merenna, oun kolla, kay o baro Debles gar kamenna, hi har kol shoukar divye bloume, hoy sik tele merenn, oun djan penge har i yagakro dourho, hoy pre djal.

Debleskri gili 38:3

Tou dal karye ap mande oun doukral man, oun tiro vast das man ap i phoub tele.

Ropaskre gilja 1:13

Yob bičras i yag dran o bolepen an mire kokale, hoy an mande rhačell. Yob čivas i netsa vin, te taprenn pen mire pire dren, oun moukas man ap o doumo te perell. Yob moukas man kokres čiddo. O tselo tsiro hom nasselo.

Ropaskre gilja 3:4

Yob kras miro mass oun miri hauta phoures, oun mire kokale phagas lo an mande khetne.

Jakobo 4:14

Yaake rakrenn t'mer oun djinenn gar, hoy taysar hi! T'maro djipen hi har i dourho, hoy ačella gar. T'mer han i tikno tsiro djido. Oun ap yek kopo han t'mer bouder gar koy.