Debleskri gili 102:21 - O Debleskro Lab 2024 (Sinte-Manouche)

²¹ te shounell lo o ropen kolendar, hoy stilde hi, te krell lo i shelle pre kol menshendar, kay an o merepen hi.

O Debleskro Drom 2021 (Sinte)

²¹ te shunell lo o ropen kolendar, hoi stilde hi, te krell lo i shelle pre kol menshendar, kai an o merepen hi.

Debleskri gili 102:21 ပူးပေါင်းရင်းမြစ်များ

Debleskri gili 22:22

Tserde man vin dran o leveskro mouy! Oun le man krik glan i shinga divye gourmendar! Tou shounal man.

Debleskri gili 79:11

Shoun, har i stilde rovenn! Tou hal yaake zorelo, rike kolen ap o djipen, kay hi yaake mishto har moulo.

Debleskri gili 79:13

Mer ham tire menshe. Tou hal menge har i bakrengro, kay anell peskre bakre kote, kay hatsenn le rhapaske. Mer parkrah men pash toute hako tsiro, oun sharah tout kanna oun an ko tsiro, hoy vella.

2. Mose 3:16

Dja kanna an o them Egiptia, oun de i phoureden i menshendar Israel khetne gole, oun pen ap lende: O baro Devel, ko Devel t'mare phoure dadendar, moukas pes te dikell glan mande. Yob hi o Devel, koles o Abraham, o Isaak oun o Yakob an-mangan. Oun yob penas ap mande: Me dom ap lauter yak, hoy yon t'mentsa an o them Egiptia kran.

2. Mose 3:17

Me dau miro vast pre: Kava djoungelo djipen herell pes pre. Me, o baro Devel, lau t'men dran o them Egiptia vin, oun anau t'men an ko them, kay djivenna i Kanaanitarya, i Hetarya oun i Amorarya, i Perisarya, oun i Hivarya oun i Yebousarya. Oun kova hi i them, kay hi boud thoud oun gvin.

Jesaja 51:11

Kolen o baro Devel dran o pandepen vin las, venn pale khere, oun venn o gipah pash i berga Sion. Lengri barht lell kek lendar. Lengre djia givenn oun bashrenn i barhtyatar. Oun douk oun ropen dell gar bouder.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.