Debleskri gili 10:3 - O Debleskro Lab 2024 (Sinte-Manouche)

³ Yob sharell pes pral kova, hoy lo kamell te krell. Oun kova, kay i meen gar pherdo lell, praasella o baro Debles oun sal pral leste.

O Debleskro Drom 2021 (Sinte)

³ Job sharell pes pral kowa, hoi lo kamell te krell. Un kowa, kai i meen gar pherdo lell, praassella o baro Debles un sal pral leste.

Debleskri gili 10:3 ပူးပေါင်းရင်းမြစ်များ

1. Rajengro liil 20:25

Oun le touke yaake boud lourden khetne har kolla, kolen tou nashral, oun ninna yaake boud graya oun vourdya, har tout his. Oun mouk men, te kouras men lentsa an o telstouno them! Palle dikeh, mer ham zorleder har yon!” Kote shounas lo ap lende, oun kras yaake.

Hiob 31:24

Miro sonakay vas gar miro devel. Ap leste penom me gar: Tou hal kova, hoy man hounte vell!

Debleskri gili 35:21

Pengre mouya krenn le dour pre oun denn gole ap mande: “Ha! Ha! Koleske dam les!”

Debleskri gili 49:18

Te merell lo, lell lo či peha. Leskro tselo bravlepen hounte ačell pale.

Debleskri gili 49:6

Hoske te darap an i čilače divessa, kay kolla troul mande hi, kay mange čilačepen kamenna?

Debleskri gili 5:6

Kol pre-phourden kameh tou gar glan tire yaka te dikell, oun tou rhoyreh tout ap hakeneste, kay i vavarenge čilačepen krella.

Debleskri gili 52:1

I gili o rayeske pral i gipangre. O David kras kay gili,

Debleskri gili 94:4

Bare laba krenn le, sharenn pen kokres, kolla lauter, kay krenn i vavarenge čilačepen.

2. Mose 15:9

I Egiptarya penan: Las len palla, las len dren! Las menge, hoy lengro hi! Hakenes hi doha koy! Las mare rhare, das len temerl!

Gosewe laba 28:4

Kolla, kay moukan o Debleskro drom, sharenn i čilačen. Kolla, kay djan ap o Debleskro drom, kourenn pen lentsa.

Sikepaskro 7:15

Me dikom boud koova an miro djipen, hoy hayvom me gar: Koy hi i lačo morsh, kay djivas i čačo djipen, oun yob merella glan te vas lo phouro. Oun koy hi i rhorheno morsh, ko djivell an o čilačepen, oun yob djivell i rah djipen.

Jesaja 37:23

Koon hi kova, pral koleste čilače laba rakral? Oun kones tire labentsa praasal? I pre-phourdo hal, oun ap mande tele dikal, pral o Israeleskro Debleste tout hadal!

Jesaja 57:17

Lengri doosh his, te lan le gar doha. Pral kova vom rhoyedo, oun koleske dom me len, khatrom man glan lende oun rhoyrom man. Oun yon djan doureder ap pengro drom oun van gar pale pash mande.

Jeremia 22:17

Yoyakim, tire yaka oun tiro dji dikenn ap či vavares, har te vess bravleder tiro rhorhepah. Tou mareh kolen, kay kek čilačepen kran, oun rikreh i menshen zoryah oun daventsa tele.

3. Mose 26:30

Me krau kol moulne platse paash, kay t'mer t'mare deblenge firhen rhačrenna. Oun kol boba, kay t'mer lenge soungepaskro koova rhačrenn, phagau khetne. T'mare moulen vitsrau ap kol paash-dine figuren, oun t'mendar kamau bouder či te djinell.

Habakuk 2:9

Djungeles djal touke, kay tou rhorhepah tiro bravlepen khetne aneh! Ap tiro kheer vell bibarht. Pral ap i berga kral tou tiro kheer, te nay vell kek bibarht pral toute!

Louka 12:15

Palle penas o Yezous ap kolende, kay troul leste tardo hi: “Denn garda! Ma nashenn boud bravlepen palla! O tselo bravlepen, hoy i mensho khetne anas, krell o mensheskro djipen gar braveles.”

Louka 12:19

Oun me nay penau ap mande: Kova krom mishto. Kanna hi man boud bersha lačo koova o djipaske oun boudrap bouder gar. Me rhau oun piyau oun krau miro djipen mange mishto.

Remarja 1:29

Yon hi pherdo čilačepen, djounglepen, ninna bok pal i love. Yon hi čilačo oun zilverenn, čingrenn, rhorhenn, marenn, oun doukrenn i vavaren. Yon rakrenn djoungeles pral i vavarende,

Remarja 1:32

Yon djinenna, o Devel dell kolen i phagi, kay yaake djivenna. Oun koy phagi hi o merepen. Ninna te djinenn le kova, krenn le ko čilačo koova, oun sharenn kolen, kay kova ninna krenna.

1. Korintarja 6:10

vitar gar i čorepangre, vitar gar kolla, kay ap i love pandlo hi, i dre-phagepangre, i pipangre oun kolla, kay praasenn i vavaren, – kolla lauter venna gar pash o Debleste an o bolepen.

Efesarja 5:5

T'mer hounte djinenn: An o bolepen, kay hi o Yezous Kristo oun o Devel i raya, kote venn kek morsha dren, kay sovenn vavar djouvyentsa, vitar kek djouvya, kay sovenn vavar morshentsa, vitar kek, kay krell djoungelo koova, vitar kek, kay nashell pal i love. Kova, kay nashell pal i love, koleske hi o bravlepen peskro devel.

5. Mose 29:19

Ap saveste dikell o baro Devel gar lačes, na-a, pral koleste rhačell leskro dji i rholyatar. Oun ko tselo praasepen oun i tseli bibarht, hoy an kava liil činlo hi, vell ap leste čiddo. Oun o baro Devel krell, te vell yob oun leskri familya bistedo ap i tseli phoub.

5. Mose 32:19

O baro Devel dikas kova, oun vas rhoyedo pral peskre čavende oun čende, kay kaman či bouder lestar te djinell.

Kolossarja 3:5

Ma krenn bouder kova, hoy kran an t'maro phouro djipen: Ma loubrenn trouyel! Ma krenn djoungelo oun vi-ladjedo koova! Ma moukenn čilačo koova an t'maro shero trouyel te djal! Ma nashenn pal i love! Koon pal i love nashella, koleske hi peskre love har leskro devel.

Jakobo 4:13

Mashkral t'mende hi kolla, kay penenna: “Kava dives kamah mer an ko foro te djal, oun kamah yek bersh koy te ačell, te ginas oun te bikras, oun te anas boud love khetne.”

Jakobo 4:16

Kova penenn t'mer gar. T'mer krenn t'men bares, oun sharenn t'men pral kova, hoy t'mer krenna. T'maro sharepen hi gar mishto.

1. Johanni 2:15

Ma kamenn ko koova, hoy i menshe ap kay phoub kamenna! Ma kamenn ko koova, hoy i menshe ap kay phoub krenna! Te kamell yek ko koova, hoy i menshe ap kay phoub kamenna, kova kamell gar o Debles, maro dades an o bolepen.

Čačepangre 17:2

Oun kova penas ap peskri date: “Me shounom, kay rakral bibarht pral koleste vin, kay čoras touke kol 1.100 (yek-sero-yek-sheel) roupene love. Dik, ko roup hi pash mande. Me kokres lom les.” Koy penas leskri day: “O baro Debleskri barht pral toute, miro čavo!”

1. Samuel 23:21

Oun o Saul penas: “O baro Devel mou dell t'men barht, kay kran t'mare djia mange pre.