Debleskri gili 10:17 - O Debleskro Lab 2024 (Sinte-Manouche)

¹⁷ Kova, hoy i čorvele toutar mangenna, shouneh tou, mo baro Devel. Tou kreh lengro dji zorelo, oun tiro kand hi lenge pre.

O Debleskro Drom 2021 (Sinte)

¹⁷ Kowa, hoi i tchorwele tutar mangenna, shuneh tu, mo baro Dewel. Tu kreh lengro dji sorelo, un tiro kand hi lenge pre.

Debleskri gili 10:17 ပူးပေါင်းရင်းမြစ်များ

1. Familjakro liil 29:18

Baro Devel, tou Devel mare phourendar, o Abrahamestar, o Isaakestar oun o Yakobestar, kre, kay tire menshengre djia hako tsiro touke pre hi, oun yon pen ap toute rikrenn!

2. Familjakro liil 29:36

O Hiskiya oun i tsele Israelitarya his barhtelo pral kova, kay moukas o baro Devel peskre menshen kava lauter te krell. Kek patsas, kay kova yaake sik vella.

2. Familjakro liil 30:12

Oun o Debleskro vast his pral o them Youda, te kran le yek djiyeha, hoy o baro ray oun i pralstoune lenge penan, oun hoy o baro Devel lendar kamella.

2. Familjakro liil 34:27

Oun kral tiro dji lenge pre. Oun kral tout tiknes glan o baro Debleste, har tou shounal, hoy me penom pral kava foro oun kol menshende, kay kate djivenna, oun kral tire koola paash, kay ap toute his, oun roval glan mande. Doleske shounom me tout ninna, penell o baro Devel.

Debleskri gili 102:17

O baro Devel čivell o foro Sion pale pre, oun moukell pes te dikell an peskro raylepen.

Debleskri gili 145:19

Kolenge, kay o djiyestar ap leste shounenna, krell lo, hoy yon mangenna, oun shounell, har denn le gole, oun vell ap lengri rig.

Debleskri gili 34:15

Rikrenn t'men pale dran o čilačepen oun krenn o lačepen! T'mari tseli zoryah krenn lauter, te vell kek čingepen mank t'mende!

Debleskri gili 37:4

Rode tiri barht pash o baro Debleste, palle dell yob tout lauter, hoy tiro dji kamella.

Debleskri gili 9:12

Givenn o baro Debleske, kay ap i berga Sion khere hi! Penenn i menshenge an vavar themma, hoy yob lauter kras!

Debleskri gili 9:18

Kamau, te djan le lauter pash i moulende, – kalla, kay kamenn o Deblestar či te djinell, oun bistrenn, kay hi yob o Devel.

Gosewe laba 10:24

Kolestar i čilačo darell, kova vell pral leste. Oun kova, hoy i lače mangenna, kova vell lenge dino.

Gosewe laba 15:8

O baro Devel dikell rhoyedes ap kova, hoy o čilačo leske anell. Te mangenn les kolla an, kay an o čačepen tardo hi, dikell lo lačes ap lengro mangepen.

Gosewe laba 16:1

O mensho lell pes čomone glan an peskro dji. Hoy čačepah vella, penell o baro Devel.

Jesaja 65:24

Oun kava vell yaake: Yon dan gomme gar gole, koy dom man glan, oun yon rakrenn gomme, koy shounau me.

Mateo 5:3

Barhtele hi kolla, kay djinenna, kay hi le čorvelo glan o Debleste. Yon djivenna o Debleha khetne an o bolepen oun lenn leskro bravlepen.

Remarja 8:26

Ninna vell o Debleskro Dourho ap mari rig, kay ham gar zorelo. Te kamah mer te rakras o Debleha oun djinah gar, hoy te mangas lestar, palle rakrell o Debleskro Dourho menge i labentsa, hoy kek nay rakrell vin.

Efesarja 2:18

Mende halauterende das yob o Debleskro Dourho. Oun kova krell, te nay vah mer lauter glan o Debleste, maro dadeste.

Efesarja 3:12

oun kras menge i drom pash o Debleste. Kanna, kay patsah ap leste, hounte trashas bouder gar o Deblestar, oun mer nay vah glan leste.

Jakobo 4:10

Vitsrenn t'men tele glan o Debleste! Oun yob krell t'men bares.

Jakobo 4:6

Oun ninna boudeder lačepen kamell men o Devel te dell. An o Debleskro lab hi činlo: Kolla, kay krenn pen bares, kolen bičrell yob pestar. Oun kolen, kay krenn pen gar bares, kolen dell yob boud lačepen.

1. Petro 3:12

O Devel, maro ray, dikell lačes ap koleste, kay djivell pal o čačepen. Oun te mangell yob o Debles, shounell lo les. Ap kolende, kay djivenn an o čilačepen, dikell o Devel gar lačes.

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.