Debleskri gili 10:13 - O Debleskro Lab 2024 (Sinte-Manouche)

¹³ Hoske nay praasell tout kova, kay kamell toutar či te djinell? Hoske nay penell lo an peskro dji: “O Devel poučella gar palla.”

O Debleskro Drom 2021 (Sinte)

¹³ Hoske nai praassell tut kowa, kai kamell tutar tchi te djinell? Hoske nai penell lo an peskro dji: “O Dewel putchella gar palla.”

Debleskri gili 10:13 ပူးပေါင်းရင်းမြစ်များ

1. Mose 42:22

Oun o Ruben penas ap lende: “Penom me gar ap t'mende: Ma krenn čilačepen o čaveske? T'mer shounan gar. Kanna vell leskro rat ap mende.”

1. Mose 9:5

Kek hounte lell t'maro djipen. Hakeno koon lell t'maro djipen, kolestar lau me ninna leskro djipen: hako firhestar oun hako menshestar.

2. Familjakro liil 24:22

Oun o Yoash bistras har boud lačepen o Yoyada ap leste kras, koleskro čavo o Zakarie his, koles yob moukas te marell. Har o Zakarie meras, penas lo: “O baro Devel dikell kova, oun yob dell pale pale, hoy le ap mande kran.”

Hiob 24:12

An i forya denn kolla gole, kay hi doukedo oun merenn. Oun o Devel dell kek yak ap ko narvelo koova, hoy i čilače krenn.

Hiob 24:23

Yob moukell len te patsell, te djal lenge či. Oun lell hako koova an o yak, hoy le krenn.

Debleskri gili 74:10

Miro Devel, har rah moukeh tou len pal toute te sal? Moukeh tou len hako tsiro tiro lab te praasell?

Debleskri gili 74:18

Kanna, baro Devel, mouk touke an o shero te vell, har praasenn tout kolla, kay hadan pen pral toute. Dik, har dinele menshe tiro lab an i čik tserdenna.

4. Mose 11:20

Kova djal yek čon, bis te nay soungenn les bouder gar, oun kova dran t'maro nak vin vell. T'mer čivan o baro Debles ap i rig, koles, kay mashkral t'mende hi. Oun t'mer rovan glan leste oun penan: Hoske djam mer dran o them Egiptia? Doleske vell kava koova kanna ap t'mende.”

Louka 10:16

Pale penas o Yezous ap peskre malende: “Koon ap t'mende shounella, kova shounella ap mande. Oun koon shounell gar ap t'mende, kova shounell vitar gar ap mande. Kova, kay shounell gar ap mande, kova shounell ninna gar ap koleste, kay bičras man.”

5. Mose 29:18

Kek te vell mank t'mende kava dives, kay shounell har kava praasepen vin rakedo vell, oun penell koy pashel an peskro dji: “Kova hi gar mange. Mange djal mishto, ninna te djau pal miro shero.” Kova vals djoungeles t'menge halauterenge, i lačenge har i čilačenge.

1. Tessalonikarja 4:8

Koon kamell kol laba gar te shounell, kova čivell o Debles ap i rig, oun gar i menshes. Oun o Devel hi kova, kay das peskro Dourho an t'mende.