Debleskri gili 10:11 - O Debleskro Lab 2024 (Sinte-Manouche)

¹¹ An peskro dji penell lo peske: “O Devel djinell kova gar. Yob das gar yak pre oun dikell či.”

O Debleskro Drom 2021 (Sinte)

¹¹ An peskro dji penell lo peske: “O Dewel djinell kowa gar. Job das gar jak pre un dikell tchi.”

Debleskri gili 10:11 ပူးပေါင်းရင်းမြစ်များ

Debleskri gili 10:6

Yob penell peske an peskro dji: Či nay vitsrell man trouyel. Kek bibarht vell ap mande.

Debleskri gili 59:8

Čilačepen vell dran lengro mouy vin. Lengre laba činenn har rhare. Yon patsenn, te shounell len kek.

Debleskri gili 64:5

Ap yek kopo denn le karye dran pengro khatepen ap koleste, kay o čačo drom djal, oun ladjenn pen gar.

Debleskri gili 64:6

Yek krell o vavares zoreles an lengro čilačo koova. Oun yon rakrenn pen tele, har nay čivenn le dorya vin, te perenn i vavar dren, oun penenn pashel: “Koon dikell kova?”

Debleskri gili 73:11

Yon penenna: “Har shounell nay o Devel kava? Har hayvell lo kova, yob, kay pral an o bolepen hi?”

Debleskri gili 94:7

“O baro Devel”, penenn le, “dikell kova gar, o Yakobeskro Devel dell gar yak pre.”

Sikepaskro 8:11

Ko mensho, kay kras čilačo koova, lell gar sik pal kova peskri phagi. Doleske rikrenn pen i menshe gar pale, te krenn le pengro djoungelo koova doureder.

Ezekiel 8:12

Oun o baro Devel penas ap mande: Tou mensho, dikal tou kava, hoy krenn i phoureder dran o kheer Israel čorrhanes – hakeno lendar glan peskri figura an lakri isema? Yon penenn penge: O baro Devel dikell men gar, oun djas peske dran kava them!

Ezekiel 9:9

Oun yob penas ap mande: I doosh, hoy i menshe dran o kheer Israel oun dran o kheer Youda ap pende anan, hi yaake boud. Boud marepen hi an o them. Oun an o foro rikrenn i zorele i vavaren zoryah tele. Oun yon penenn: “O baro Devel djas peske dran kava them. Yob dikell men gar!”

Hosea 7:2

Oun kova djal gar an lengro shero dren, te djinau me lengro tselo čilačepen. Lengro čilačo koova hi troul lende trouyel, oun hi mange tardo glan mire yaka.

Markus 2:6

Koy his ninna biboldengre čačepangre beshdo. Kolla penan an pengre djia:

Louka 7:39

Har o Farisari kova lauter dikas, penas lo ap peste kokres: “Te vals kava rom čačepah i Debleskro rakepaskro, hounte djinals lo, havi djouvel les an-tapras. Yob hounte djinals, te hi li pale-čiddo.”