Debleskri gili 1:2 - O Debleskro Lab 2024 (Sinte-Manouche)

² Kova hi barhtelo, kay kamell o baro Debleskre laba, oun moukell kol laba peske an o shero trouyel te djal ap o dives oun an i rat.

O Debleskro Drom 2021 (Sinte)

² Kowa hi bachtelo, kai kamell o baro Debleskre laba, un mukell kol laba peske an o shero trujel te djal ap o diwes un an i rat.

Debleskri gili 1:2 ပူးပေါင်းရင်းမြစ်များ

1. Mose 24:63

Ap yek rati djas yob vin, te vell lo peske kokres. Oun har yob pre dikas, dikas lo, kay khamele venna.

Esra 7:10

O Esra čivas peskre djiyeskre yaka ap o Debleskro drom, te hayvell lo les boud oun boudeder, oun te djivell lo pal o Debleskro lab, oun te sikrell lo halauterenge an o them Israel, hoy o baro Devel lendar kamell, oun har nay djivenn le pal leskro čačepen.

Hiob 23:12

Me rikrom man ap hako lab, hoy vas dran leskro mouy. Oun rikrom halauter an miro dji, hoy lo rakras.

Debleskri gili 104:34

Mou vell miri gili leske shoukar! Me hom barhtelo pral miro baro Debleste.

Debleskri gili 112:1

Sharedo vell o baro Devel! Barhtelo hi kova, kay djivell o baro Debleha, oun rikrell pes o tselo djiyestar ap leskre laba.

Debleskri gili 119:1

Har barhtelo hi kolla, kay yaake djivenna, te hounte čingrell o Devel gar lentsa, kolla, kay ap o baro Debleskro drom djana.

Debleskri gili 119:11

Me rikrau tiro lab an miro dji, te anap kek doosh ap mande.

Debleskri gili 119:35

Ab mange ap i rig, te rikrap tire laba! Shoukar hi le mange.

Debleskri gili 119:72

Tiro drom kamau me boudeder har boud zerya kotya sonakay oun roup.

Debleskri gili 119:92

Te voms gar barhtelo te djap tiro drom, palle meroms, yaake phares his miro djipen.

Debleskri gili 40:8

Doleske penom touke: Ake hom. Me krau, hoy mandar činlo hi an o liil:

Debleskri gili 88:1

I gili o rayeske pral i gipangre, te givell har koy gili Mahalat Leannoth. Kay gili kras yek dran i familya Korah. O Heman dran i familya Esra činas kal laba.

Jeremia 15:16

Baro Devel, tou ray pral o bolepen oun i phoub, me hom tiro. Yaake vas tiro lab miro rhapen hako kopo, kay me kova shounau. Te shounau tiro lab, givell miro dji, oun vell pale zorelo.

Louka 18:7

Har boud feteder hi o Devel! Patsenn t'mer gar, te vell lo ap i rig peskre vi-rodede menshendar, kay dives oun rati ap leste gole denna? Ava, yob vell ap lengri rig oun dell len lengro čačepen. Lell lo pes boud tsiro, te vell lo ap lengri rig?

Louka 2:37

Palle meras lakro rom. Oun kanna his li orhta-deesh-te-star bersha phouro. Oun yoy his o tselo dives oun i tseli rati an o Debleskro baro kheer, te mangell li o Debles an. Oun boud kope rhas oun piyas li či o Debleske.

Remarja 7:22

Miro dji kamell te krell, hoy o Devel penella.

1. Tessalonikarja 2:9

Mire phrala, t'mer djinenna, har phari mari boudi his, har hams pash t'mende, oun sikram t'mende o Debleskro drom. Ap o dives oun an i rat boudram, te djivas gar dran t'mari possita.

1. Timoteo 4:15

Kre kova lauter tiro tselo djiyeha oun tiri tseli zoryah, te dikell hakeno, kay tiro patsepen bareder vella!

2. Timoteo 1:3

Hako dives oun haki rati moukau gar tele, te parkrap man pash o Debleste touke, oun te mangap o Debles touke. Yob hi kova, koleske boudrau me o djoudjo djiyeha, yaake har ninna mire phoure kova kran.

Josua 1:8

Pen touke kol laba glan, hoy an ko liil činlo hi! Ap o dives, har an i rat, mouk len touke an tiro shero trouyel te djal, te rikress oun kress halauter, hoy an ko liil činlo hi. Palle djal touke halauter mishto, oun kova, hoy kreh, vell mishto.

1. Johanni 5:3

Maro kamlepen o Debleske sikrell pes, te krah mer kova, hoy yob menge penella. Oun kova, hoy yob menge penella te kras, kova hi gar pharo.