Debleskri gili 1:1 - O Debleskro Lab 2024 (Sinte-Manouche)

¹ Barhtelo hi kova, kay shounell gar ap kova, hoy i čilače penenna, Barhtelo hi kova, kay djal gar kolentsa, kay moukan o Debleskro drom. Barhtelo hi kova, kay beshell gar pash kolende, kay sanenn pral o Debleste.

O Debleskro Drom 2021 (Sinte)

¹ Bachtelo hi kowa, kai shunell gar ap kowa, hoi i tchilatche penenna, Bachtelo hi kowa, kai djal gar kolentsa, kai mukan o Debleskro drom. Bachtelo hi kowa, kai beshell gar pash kolende, kai sanenn pral o Debleste.

Debleskri gili 1:1 ပူးပေါင်းရင်းမြစ်များ

1. Mose 49:6

Kamau gar te vap yek lendar, har krenn le čilačo koova vin. Kamau gar te vap pash lende, kay yon khetne venna. I rholyatar dan le morshen moulo oun dan gourma bango čičeske.

1. Mose 5:24

Oun o Henok djivas o Debleha. Palle his yob bouder gar koy. O Devel las les krik.

1. Rajengro liil 16:31

Oun har te vals gar doha, kay kras yob ko tselo čilačo koova, hoy ninna o Yerobeam kras, koleskro dad o Nebat his, romedineras lo i Isebel, koy čat o rayestar pral Sidon. Leskro lab his Etbaal. Oun o Ahab djas koy oun vitsras pes glan o rhorheno debleste Baal tele, oun mangas les an.

2. Familjakro liil 22:3

Ninna yob djivas yaake har o Ahabeskri familya, oun poučas gar pal o baro Debleste. Leskri day kamas kova yaake oun penas leske kova ninna.

Hiob 10:3

Hoy aneh kava touke, te rikreh man zoryah tele? Hoske vitsreh man toutar krik, man, koles tire vasta kran, oun moukeh kova mishto te djal, hoy lan pen i čilače glan?

Hiob 21:16

Kal menshe penenn, te hi len pengri barht an pengre vasta. Me patsau gar, te hi kova čačo, hoy rakrenn yon penge dren.

Hiob 31:5

Djom me i rhorheno drom? Rakrom douy čipyentsa?

Debleskri gili 1:6

O baro Devel prindjrell o drom kolendar, kay an o čačepen tardo hi. Oun o drom i čilačendar anell len an i bibarht.

Debleskri gili 106:3

Barhteles hi kolla, kay leskre laba rikrenna, oun hako tsiro o čačepen krenna.

Debleskri gili 112:1

Sharedo vell o baro Devel! Barhtelo hi kova, kay djivell o baro Debleha, oun rikrell pes o tselo djiyestar ap leskre laba.

Debleskri gili 119:115

Djan pale mandar, t'mer, hoy krenn o čilačepen! Me rikrau ap i laba miro Deblestar.

Debleskri gili 144:15

Barhteles hi kol menshe, kolenge yaake djala! Ava, barhteles hi kol menshe, kolengro Devel o baro Devel hi!

Debleskri gili 146:5

Barhtelo hi kova, koleske o Yakobeskro Devel ap i rig vell, ava, kova hi barhtelo, kay kokres ap peskro baro Debleste dikell.

Debleskri gili 146:9

O baro Devel dell ap i vi-themarya yak, oun hi ap i rig kol čavendar, kolen kek dad bouder hi, oun ap i rig kol djouvyendar, kolengro rom meras. I čilačenge čivell lo barra an lengro drom.

Debleskri gili 2:12

Čoumrenn o čaves, te vell lo gar rhoyedo ap t'mende, oun t'mer ap o drom merenna. Leskri rholi nay rhačella sik. Barhtele hi kolla lauter, kay khatrenn pen pash leste.

Debleskri gili 26:12

Mire herya hi zoreles tardo oun perenn gar o čačo dromestar tele. Me kamau miro baro Debles te sharell, kote, kay leskre menshe khetne venna.

Debleskri gili 34:8

O baro Debleskro bolepaskro hi troul kolende, kay djivenn o baro Debleha, oun lell len vin dran i bibarht.

Debleskri gili 36:4

Či har midjak oun rhorhene laba venn dran leskro mouy vin. Lačo koova hayvell lo bouder gar te krell.

Debleskri gili 64:2

Miro Devel, shoun har ap toute rovau. Man hi daar glan kolende, kay kamenn man te marell. De yak ap miro djipen!

Debleskri gili 81:12

Mire menshe shounan gar ap mande. O Israel kamas man gar.

Debleskri gili 84:12

Maro baro Devel hi o kham maro djipaske. Yob rikrell peskre vasta pral mende. O baro Devel dell men lačepen oun raylepen. Kolen, kay o djiyestar ap leste shounenna, dell lo hako lačepen, hoy len hounte vella.

Gosewe laba 1:15

Miro čavo, ma dja lentsa ap lengro drom! Rike tout krik lendar!

Gosewe laba 1:22

T'mer, kolen či an o shero hi: Har rah kamenn t'mer dinelo koova te krell? T'mer sapangre, har rah kamenn t'mer pral o vavareste te sal oun les praasell? T'mer dinele, har rah penenn: Mer kamah gar te djinell, hoy čačo hi?

Gosewe laba 13:15

Kol menshe, kay hayvenn, hoy hounte kerdo vell, hatsenn mala. I phoukepangre djan i drom, kay anell len an i bibarht.

Gosewe laba 13:20

Kova, kay khetne hi kolentsa, kay gosevo hi, kova vell ninna gosevo. Kova kay i maal hi i dinelentsa, kova vell bibarhtelo.

Gosewe laba 19:29

Pral kol pre-phourden, kay pral halauter sanenn, vell i phagi vin rakedo; oun dava ap o doumo lell o dinelo.

Gosewe laba 2:12

oun veh gar ap i čilačo drom, oun shouneh gar ap i menshende, kay rhorhepen rakrenna,

Gosewe laba 3:34

Kolla, kay praasenn i vavaren, kolen praasell lo ninna. Kolla, kay krenn pen gar bares, ap kolende dikell lo lačes.

Gosewe laba 4:19

O drom kolendar, kay o čilačepen krenn, hi har i kali rat; yon nay dikenn gar, pral hoy yon perenn.

Gosewe laba 9:12

Te hal gosevo, hi kova touke boud moldo. Te hal pre-phourdo, hounte hidjress kokres, hoy kova touke anell.

Jeremia 15:17

Me nay hom gar vavar menshentsa barhteles khetne beshdo, oun sau lentsa, tou čival tiro vast ap mande, oun hom kokres. Tiri rholi pral kal menshende vas ninna an mande.

Jeremia 17:7

O Debleskri barht hi čiddo ap kol morsheste, kay rikrell pes ap o baro Debleste.

Ezekiel 20:18

Oun me penom lengre čavenge an o moulo tato them: Ma rikrenn t'men ap kol laba, pal kolende t'mare phoure djivan! Ma djivenn pal lengre čačepangre laba! Rikrenn t'men pale lengre rhorhene deblendar, te venn t'mer gar pale-čiddo!

Mateo 16:17

Penas o Yezous ap leste: “Barhtelo hal tou, Simon Bar-Yona. Kol laba, hoy tou pral mande penal, kolla van gar toutar, vitar gar vavar menshendar. Miro dad an o bolepen sikras tout kova.

Louka 11:28

Koy penas lo: “Barhtele hi kolla, kay ap o Debleskro lab shounenna, oun kova ninna krenna, hoy o Devel penella.”

Louka 23:51

oun kamas gar, te vell o Yezous ap o troushel dino. Yob his dran i biboldengro foro Arimatia. Oun yob dikas ap o Debleste, te vell ko tsiro, kay hakeno dikell, kay o Devel o baro ray hi.

Johanni 13:17

T'mer djinenn kova kanna halauter. Te krenn t'mer kova, han barhtelo.

Johanni 20:29

“Kanna, kay dikal man, patseh tou,” penas o Yezous. “Barhtele hi kolla, kay patsenna, ninna te dikenn le man gar.”

Remarja 5:2

O Yezous Kristo anas men ap o Debleskro drom oun kras menge o voudar pre, te djivas o Debleha khetne. Yaake lačo his lo menge. Oun mer djinah: O dives vella, kay djivah leha khetne an leskro raylepen. Pral kova ham barhtelo.

Efesarja 6:13

Doleske rivenn kol koola ap t'mende, hoy dell t'men o Devel, te kourenn t'men mishto ap ko dives, kay vell o beng ap t'mende. Palle han zorleder har yob, oun ačenn zoreles tardo.

5. Mose 14:6

oun hako firho, koles pre-phagede pire hi, tseles pre-phagedo hounte venn le, oun hoy o rhapen douy kope rhal. Kolen nay rhan.

5. Mose 33:29

Barhtelo han t'mer, Israelitarya! Koon hi yaake har t'mer? T'men kokres las o baro Devel dran o pandepen vin. Yob vell ap t'mari rig, oun rikrell peskro vast pral t'mende. Yob kourell pes t'menge, oun krell, te venn t'mer zorleder har kolla, kolentsa kourenn t'men. Yon hounte vitsrenn pen tele glan t'mende, oun t'mer djan pral lende vergel.

1. Petro 4:3

I rah tsiro djivan t'mer har kol menshe, kay o Debles gar prindjrenna. T'mer kran vi-ladjedo koova. Oun t'maro dji nashas pal čilačo koova. T'mer piyan t'men mato, rhan t'men nasselo, oun mangan vavar koova an har o Debles. Kova hi čilačo glan o Debleskre yaka.

Debleskro tsiro 22:14

Barhtele hi kolla, kay pengre ripya djoudjes thovenna. Yon nay rhan ko roukestar, hoy o djipen della, oun nay djan an kol bare voudya an ko foro dren.