Daniel 8:1 - O Debleskro Lab 2024 (Sinte-Manouche)

¹ An ko tsiro, har o Belsazar an o triinto bersh baro ray his, dikom me, o Daniel, i dikepen, yaake har glan kova dikom.

O Debleskro Drom 2021 (Sinte)

¹ An ko tsiro, har o Belsazar an o triinto bersh baro rai his, dikom me, o Daniel, i dikepen, jaake har glan kowa dikom.

Daniel 8:1 ပူးပေါင်းရင်းမြစ်များ

Ezekiel 1:1

An o 30. (triin-deshto) bersh djivom khetne vavar menshentsa, kay pandles krik anlo van, pash ko lengsto pani, hoy kharell Kebar. An o starto čon ap o pančto dives an ko bersh djas o bolepen pre, oun o baro Devel sikras pes mande.

Daniel 1:17

Oun kol star terne morshen das o Devel i baro gosvepen, te hayvan le lila an boud rakepen te draverell. Ninna hayvan le pen vin an boud koova. Oun o Daniel hayvas ninna te penell, hoy sounya oun dikepen kamenn te penell.

Daniel 10:2

Triin tsele kourke rovom me, o Daniel, an ko tsiro.

Daniel 10:7

Oun me kokres, o Daniel, dikom ko dikepen. Kol morsha, kay pash mande his, dikan kova gar. Ap lende peras i bari daar, yaake te nashan le oun khatran pen.

Daniel 11:4

Ap ko tsiro, kay vas lo baro, phagell leskro them an star kotya – pal kol star bolepangre rigya. Kek kal star tikneder themma vell yaake zorelo har leskro them his. Oun kek leskre čavendar lell čomone kolestar. Na-a, leskri rayeskri zoor vas paash oun vas ap vavarende doureder dino.

Daniel 7:1

An ko tsiro, har o Belsazar an o ersto bersh o baro ray his pral o them Babilonia, dikas o Daniel i dikepen an i souni, har his lo čiddo ap peskro čiben. Oun yob činas an i liil, hoy dikas lo. Oun kava hi koy souni:

Daniel 7:15

Mange o Danieleske, vas miro dourho an mande pharo, oun kova hoy dikom, kras mange bari daar.

Daniel 7:28

Kava hi, hoy me dikom. Mange, o Danieleske, kras kava bari daar. Oun me vom parno an o mouy i trashatar, oun rakrom kekeha pral kava koova.

Daniel 8:15

Oun me, o Daniel, kamoms te hayvell, hoy dikom an kava dikepen. Ap yek kopo his yek glan mande tardo, kova dikas vin har i morsh.

Daniel 8:2

An miri souni homs an o zorelo kheer an o foro Susa an o them Elam, pash o lengsto pani Oulay.

Daniel 9:2

An kava ersto bersh, kay yob kote o baro ray his, dom me, o Daniel, yak ap kova, hoy an o Debleskre lila činlo hi, kote kay penell o baro Devel ap peskro rakepaskro, o Yeremia, te ačell o foro Yerusalem 70 (efta-deesh) bersha khetne dino čiddo.