Daniel 11:40 - O Debleskro Lab 2024 (Sinte-Manouche)

⁴⁰ Oun an ko tsiro, kay i phoub bouder gar rah koy hi, djal o baro ray pral o them Egiptia ap leste pre. Oun o baro ray pral o them Syria dell i zoryah pale, oun vell peskre kourepangre vourdyentsa oun peskre lourdentsa, kay ap i graya klissenna oun boud shiffe. Oun zoryah perell lo an i themma dren; har i baro zorelo pani vell lo pral lende.

O Debleskro Drom 2021 (Sinte)

⁴⁰ Un an ko tsiro, kai i phub buder gar rah koi hi, djal o baro rai pral o them Egiptia ap leste pre. Un o baro rai pral o them Syria dell i sorjah pale, un well peskre kurepangre wurdjentsa un peskre lurdentsa, kai ap i graja klissenna un bud shiffe. Un sorjah perell lo an i themma dren; har i baro sorelo pani well lo pral lende.

Daniel 11:40 ပူးပေါင်းရင်းမြစ်များ

Jesaja 21:1

Kate sikrell o Devel, hoy pral o divyo them pash o baro pani vella. Har i zorelo dourho, hoy phourdell an o them Negev, venn i lourde dran i moulo tato them, oun dran i them, hoy traash pral i menshende anell.

Jesaja 5:28

Lengre fayle hi har čourya, oun lengre boge hi pre tserdedo. Ko saster tel lengre grayengre pire hi zorelo har bar. Oun i rade ap lengre vourdya hi sik har i zorelo dourho, hoy phourdell pral i phoub.

Jesaja 66:15

Dik, o baro Devel vell an i yag, oun leskre vourdya hi har i zorelo phourdepen. Yob dell len lengro čilačepen pale i bari rholyah, oun leskro čingepen hi har yag, kay rhačrell.

Jeremia 4:13

Dik, har volke vell ko marepaskro. Leskre kourepangre vourdya hi sik har i phourdepen, oun leskre graya hi sikeder har i adlari. Havi bibarht! Mer ham nashedo!

Ezekiel 38:4

Oun krau, te rissress tout trouyel. Oun me dau sasterne kanengre čourye an tiro mouy. Oun tserdau tout vin dran tiro them tire tsele lourdentsa, i grayentsa oun kolentsa hoy ap lende klissenn, halauter shoukar an-rido. Boud boud lourde hi le, oun hidjrenn bare oun tikne shilte oun rhare.

Ezekiel 38:9

Oun tou djah pre an o them, oun veh pral lende har i zorelo phourdepen, oun har i folka, hoy o tselo them tele čakrell, tou oun tire tsele lourde oun kol boud lourde dran vavar themma, kay touha djan.

Daniel 11:10

Oun leskre čave djan an o kourepen, oun anenn boud boud lourden khetne. Oun yek lendar vell har i zorelo pani pral o them, oun djal kava kopo glan bis pash o zorelo foro o vavar baro rayestar.

Daniel 11:11

Oun o baro rayes pral o them Egiptia taprell bari rholi. Oun yob djal vin, te kourell lo pes o baro rayeha pral o them Syria. Oun kova lell boud lourden khetne. Oun yon lauter venn an o vavareskro vast dino,

Daniel 11:13

An i bersha, kay venna, anell o baro ray pral o them Syria pale boud lourden khetne, boudeder har ko vavar kopo. Oun palle djal lo vin an o kourepen boud zorele lourdentsa. Kolen hi halauter pash pende, hoy len hounte vell i lačo kourepaske.

Daniel 11:22

Oun kol lourde, kay har bare panya ap leste djan, thovell lo pestar tele, har te vans le či. Oun ninna marell lo i rayes, kay hi o pralstouno pral o Debleskre menshende.

Daniel 11:25

Oun peskri tseli zoryah oun boud lourdentsa djal lo an o kourepen o baro rayeha dran o them Egiptia. Oun kova anell gomme boudeder lourden khetne oun djal lentsa an o kourepen o baro rayeha dran Syria. Oun rhorheno koova vell vi-kerdo khatar o baro rayeste dran Egiptia. Doleske nay rikrell lo pes gar.

Daniel 11:35

Oun mank kol goseve hi save, kay venn maredo, te venn boud vavar zoreles an o patsepen, oun lengre djia djoudjo kerdo o Debleske. Kova djal yaake yek tsireske, bis ko dives vella, kay o tsiro kay phoubyake trouyel hi.

Daniel 11:39

Oun kol zorele khera oun forya dell lo tel o vast kava vavar deblestar. Oun kolla, kay rodenn penge kava debles vin, kolen krell lo bares, oun čivell len pral boud menshende, oun dell len themma, hoy nay ginenn le penge.

Daniel 11:7

An ko tsiro stell yek lakre menshendar pre oun vell ray pal leskro dadeste. Oun yob djal pre an o kourepen kol lourdentsa o rayestar pral o them Syria. Oun vell pash koleskro baro zorelo kheer oun phagell an leste dren, oun vell o zorleder.

Daniel 12:4

Oun tou Daniel, rike kava lab khatemen. Oun pande i dori troul kava liil oun čip tiro sikepen pre, te nay krell les kek pre, bis ko tsiro vella, kay i phoub bouder gar rah koy hi. Palle rodenn boud koy dren oun hayvenn boud oun boudeder.

Daniel 12:9

Oun yob penas: “Dja koy, Daniel! Kal laba ačenn khatedo oun dre-pandlo, bis te vell ko tsiro, kay i phoub bouder gar rah koy hi.

Daniel 8:17

Oun o Gabriel vas pash mande, kay me tardo homs. Oun i daar tapras man yaake zoreles, te perom ap i phoub. Yob penas ap mande: “Tou mensho, de yak oun shoun! Kova hoy dikal, kova hi ko tsireske, kay o tsiro kay phoubyake tele nashell.”

Habakuk 3:14

Tou dal leskre fayle an leskro shero. Leskre tsele lourde nashan penge kate te kote. An pengro pre-phourdepen kaman le men krik te tradell. Kolen kay kek zoor hi, kaman le pre te rhal an pengro khatepen.

Zakarie 9:14

O baro Devel moukell pes te dikell pral peskre menshende, [te rikrell lo peskre vasta pral lende]. Leskro faylo djal sik har o bolepaskri yag. O baro Devel, maro ray, moukell an i bari phourdepaskri te phourdell. Yob djal an o zorelo dourho, hoy vell kotar, kay o kham pralstounes tardo hi.

Debleskro tsiro 16:12

Oun o shobto bolepaskro čoras peskro čaro vin pral o baro pani, hoy kharella Eufrat. Oun ko pani djas pale. Yaake vas i drom kerdo kol rayenge, kay venna dran o them, kay o kham pre djal.

Debleskro tsiro 9:16

Oun me shounom, kitse lourde ap pengre graya an o kourepen djan. Kolla his biish zerya kope deesh zerya.