Daniel 11:21 - O Debleskro Lab 2024 (Sinte-Manouche)

²¹ Oun pal koleste stell yek pre, kova hi gar an-diklo oun gar moldo, te vell lo baro ray. Oun pokones oun rhorhenes lell yob peske i rayeskri zoor.

O Debleskro Drom 2021 (Sinte)

²¹ Un pal koleste stell jek pre, kowa hi gar an-diklo un gar moldo, te well lo baro rai. Un pokones un chochenes lell job peske i rajeskri soor.

Daniel 11:21 ပူးပေါင်းရင်းမြစ်များ

Debleskri gili 12:8

Tou, mo baro Devel, rikreh tiro lab, oun rikreh tiro vast pral mende hako tsiro, te nay krenn kol menshe menge kek čilačepen,

Debleskri gili 15:4

Kova, kay hadell gar kolen, kay kova krenna, hoy o baro Devel gar kamella, Na-a, yob hadell kolen, kay o baro Debleha djivenna. Yob krell, ap hoy yob pes sovel das, ninna te vell kova leske phares.

Debleskri gili 55:21

O phoukepaskro djal ap peskro maleste pre oun rikrell gar peskri sovel, hoy das lo leste glan o Debleste.

Jesaja 32:5

I dinelo vell gar bouder kharedo baro morsh, vitar gar vell ap i rhorheno penlo čačepaskro morsh.

Daniel 11:20

Oun pal leste stell i baro ray pre, kova bičrell yekes, te lell lo leske love dren an o raylo them. Oun pal i tikno tsiro denn le les moulo, čorrhanes oun gar an o kourepen.

Daniel 11:32

Oun rhorhepah anell lo kolen o Debleskro dromestar tele, kay leskre laba bouder gar rikrenna. I vavar, kay prindjrenn pengro Debles, ačenn zoreles tardo oun krenn, hoy čačo hi.

Daniel 11:34

An ko tsiro, kay venn le yaake palla lino, venn lenge menshe ap i rig. Kolla hi gar boud. Boud vavar rikrenn gar čačepah pash lende.

Daniel 11:7

An ko tsiro stell yek lakre menshendar pre oun vell ray pal leskro dadeste. Oun yob djal pre an o kourepen kol lourdentsa o rayestar pral o them Syria. Oun vell pash koleskro baro zorelo kheer oun phagell an leste dren, oun vell o zorleder.

Daniel 4:17

Ko rouk, koles tou dikal, kova, kay baro oun zorelo vas, – yaake baro, te djas lo bis ap o bolepen, oun koles hakeno nay dikas, kay lo ninna his ap kay phoub,

Daniel 7:8

Oun har me yaake ap kol deesh shinga yak dom, vas i tikno vavar shing pre mashkral kol vavar shinga. Oun triin lendar van glan leste vin tserdedo. Ap ko shing his yaka har menshengre yaka, oun i mouy, hoy baro koova rakras.

Daniel 8:23

Ap ko tsiro, kay lengro rayengro tsiro tele naashedo hi, hadenn pen boud menshe pral o Debleste oun krenn baro čilačo koova. Palle stell i baro ray pre, koles hi i čilačo mouy, oun hi i baro rhorheno.

Daniel 8:25

Peskro gosvepah rhorhell lo boud menshen. Oun yob phourdell pes pre oun djal ap boudende oun marell kolen, kay patsenn, te krell lo lenge či. Oun ninna hadell lo pes pral o pralstouno rayeste. Oun palle vell yob phagedo kek mensheskro vasteha.

Daniel 8:9

Oun dran yek lendar vas yek vavar tikno shing vin. Kova vas bareder oun bareder oun sikras ap koy rig, kay o kham pralstounes tardo hi, oun palle ap koy rig, kay o kham pre djal, oun palle ap koy rig, kay o raylo them hi.

Nahum 1:14

Ap i menshende an o them Assour penell o baro Devel: Kek čave venn t'men, kay t'mare familyengre laba doureder hidjrenn. Dran i khera t'mare deblendar vitsrau i tsele figure vin. Me krau t'menge i grufta, t'maro djipen his čičeske.

1. Samuel 3:13

Yob djinas, har peskre čave savo koova kran, hoy ladj ap mande anas. Oun yob moukas len kova te krell. Doleske dau me leskro kheer peskri phagi, hoy ačella hako tsiro ap leste. Kova penom leske glan i tsiro.