Daniel 11:17 - O Debleskro Lab 2024 (Sinte-Manouche)

¹⁷ Oun yob kamell ninna o tselo them Egiptia an peskro vast te lell. Doleske rakrell lo pes o baro rayeha pral o them Egiptia tele, oun dell les peskri ča, te vell li leskri romni. Kova krell lo, te anell lo nay koleskro them an i bibarht. Kova djal leske gar, oun vell gar yaake har yob kamell.

O Debleskro Drom 2021 (Sinte)

¹⁷ Un job kamell ninna o tselo them Egiptia an peskro wast te lell. Doleske rakrell lo pes o baro rajeha pral o them Egiptia tele, un dell les peskri tcha, te well li leskri romni. Kowa krell lo, te anell lo nai koleskro them an i bibacht. Kowa djal leske gar, un well gar jaake har job kamell.

Daniel 11:17 ပူးပေါင်းရင်းမြစ်များ

2. Rajengro liil 12:17

Kol vavar love, hoy i menshe pashel dan, har anan le firhen o Debleske, te vell lengri doosh krik lino, oun te vell lauter pale mishto, kol love vas gar o baro Debleskro khereske lino. Kol love his i rashayenge kokres.

2. Familjakro liil 20:3

Kote vas i traash pral o Yosafat, oun yob kamas o baro Debles te mangell, te vell lo ap lengri rig. Yaake moukas lo i tsele menshenge an o them Youda te penell, te rhan le či bouder.

Debleskri gili 56:9

Dik, har boud divessa hom me ap o naashepen! Le mire sva an i čaro khetne! Pash toute hi le lauter pre-činlo an i liil.

Gosewe laba 19:21

Boud koova hi, hoy i morsh peske glan lell an peskro dji; kokres kova vella, hoy o baro Debles glan hi yekeha.

Ezekiel 17:17

Oun o Farao peskre boud lourdentsa vell vitar gar ap leskri rig, ap ko tsiro, kay hounte kourell lo pes. I Babilonarya venna, oun čivenn boud čik pre vin troul o foreskri massouri, te nay djan le koy pral ap o foreskri massouri pre. Oun yon krenn turme, te denn le karye tele an o foro, yaake te marenn le boud menshen.

Ezekiel 25:2

Tou, mensho, dik kote, kay o them Ammon hi, oun pen glan-vi, hoy pral i Ammonaryen vella!

Ezekiel 4:3

Oun le touke i bobeskro saster, oun čip les pre mank toute oun o foro, har te vals lo i massouri! Oun palle dik ap o foro, oun kre yaake, har te pandals les dren. Kova hi i sikepen i Israelenge, hoy sikrell lende, hoy pral lende vella.

Ezekiel 4:7

Oun koy pashel dikess kote, kay o dren pandlo foro Yerusalem hi, oun dess les trad tiri pre čakedo moussyah, oun peness leske glan-vi, hoy pral o foro vella.

Daniel 11:19

Pal kova rissrell lo pes oun djal pale an kol zorele forya an peskro them. Oun kova djal gar mishto, oun yob merell oun vell gar bouder hatslo.

Daniel 9:26

Oun pal kol efta kope 62 (shob-deesh-te-douy) bersha vell ko ray maredo, kay o Deblestar bičedo vas. Oun kek his ap leskri rig tardo. Oun palle venna lourde yek rayestar, kay gomme vella, oun denn o fores oun o Debleskro kheer paash. Oun yon djan tele har an i baro pani. Oun yaake rah har i phoub gomme koy hi, ačell kourepen oun marepen. Kova hi i vi-kerdo koova.

Habakuk 1:9

Yon venna halauter, te kourenn le pen bari oun čilači zoryah. Kek lendar dikell pale. Yon lenn yaake boud pandle, te nay penell kek, kitse yon hi.

Mateo 12:30

Koon gar ap miri rig hi, kova hi ap ko vavareskri rig. Oun koon gar i menshe pash mande anella, kova tradell len mandar.

Louka 11:23

Koon hi gar ap miri rig, kova hi ap ko vavareskri rig. Oun koon anell gar mantsa i menshen pash o Debleste, kova tradell len o Deblestar.”

Louka 9:51

Har ko tsiro kay his, te vell o Yezous maredo, kras pes lo ap o drom, te djal lo an o foro Yerusalem. Oun kek nay rikras les pale.

Remarja 8:31

Hoy te penas mer boudeder? O Devel hi ap mari rig! Koon nay krell menge i čilačepen? Kek!