Daniel 10:13 - O Debleskro Lab 2024 (Sinte-Manouche)

¹³ Oun o bolepaskro, kay ray hi pral o them Persia čivas pes mange an o drom 21 (biish-te-yek) divessa. Oun yek kol glanstunendar mank i bolepangre, o Mikael, vas ap miri rig, har homs kote pash i rayende pral o them Persia.

O Debleskro Drom 2021 (Sinte)

¹³ Un o bolepaskro, kai rai hi pral o them Persia tchiwas pes mange an o drom 21 (biish-te-jek) diwessa. Un jek kol glanstunendar mank i bolepangre, o Michael, was ap miri rig, har homs kote pash i rajende pral o them Persia.

Daniel 10:13 ပူးပေါင်းရင်းမြစ်များ

Esra 4:24

Kote ačas i boudi ap o Debleskro kheer an o foro Yerusalem tardo. Oun kova ačas yaake bis o ray Darius an o douyto bersh o baro ray his pral o them Persia.

Daniel 12:1

Oun an ko tsiro stell o bolepaskro Mikael pre, kova, kay ap i rig tire menshendar hi. Ko tsiro hi yaake pharo, har das kek vavar glan kova, yaake rah har menshe koy hi. Oun an ko tsiro venn tire menshe vi-lino dran i bari bibarht, lauter kolla, kay an o Debleskro liil dren činlo hi.

Efesarja 6:12

Mer kourah men gar i menshentsa. Na-a, čilače zorya hi mashkral o bolepen oun i phoub, kay venna o bengestar. Kolen hi penepaske an kava čilačo tsiro. Kolentsa kourah men.

1. Tessalonikarja 2:18

Me, o Paulo, kamom boudeder kope pash t'mende te vell. Oun o beng vas hako kopo koy mashkral.

Judas 1:9

O Debleskro baro bolepaskro, leskro lab hi Mikael, las peske gar vin, te praasell lo o benges, har yob čingras pes o bengeha, koon lendar lals o moulo Moses. Yob penas leske kokres: “O Devel, maro ray, dell tout i phagi!”

Debleskro tsiro 12:7

Oun an o bolepen vas i baro kourepen: O Mikael oun leskre bolepangre kouran pen o baro lolo sapeha oun leskre kourepangre.