Čačepangre 9:19 - O Debleskro Lab 2024 (Sinte-Manouche)

¹⁹ Te his kova lauter mishto, hoy kran t'mer ap o Gideon oun ap leskro kheer, palle krenn doureder yaake oun venn barhteles khetne, t'mer oun o Abimelek!

O Debleskro Drom 2021 (Sinte)

¹⁹ Te his kowa lauter mishto, hoi kran tumer ap o Gideon un ap leskro kheer, palle krenn dureder jaake un wenn bachteles khetne, tumer un o Abimelech!

Čačepangre 9:19 ပူးပေါင်းရင်းမြစ်များ

Jesaja 8:6

An i yaka kal menshendar hi o tikno pani Siloah či moldo, hoy nashell lokes an Yerusalem. Oun kol douy raya, o Rezin oun o Peka, venn lenge yaake zorelo glan, te trissenn le i daryatar.

Filiparja 3:3

Mer, kay ap o Yezous Kristeste patsah, ham čačepah o Debleskre menshe. Ap mende hi o Debleskro Dourho. Yaake nay krah o Debleskri boudi. Mer ham barhtelo pral kova, hoy o Yezous Kristo menge kras oun hounte rikras kek koova, hoy vella i menshendar. Mer djinah, savo koova nay anell men gar pash o Debleste.

Jakobo 4:16

Kova penenn t'mer gar. T'mer krenn t'men bares, oun sharenn t'men pral kova, hoy t'mer krenna. T'maro sharepen hi gar mishto.

Čačepangre 6:32

Ap ko dives dan le o Gideones o lab Yeroub-Baal. Kova kharella: “Te kourell pes o Baal leha!” O Gideon das leskri rhačepaskri paash.

Čačepangre 9:18

T'mer hadan t'men kava dives pral miro dadeskro kheer, oun dan leskre čaven temerl. Efta-deesh morshen dan ap yek baro bar temerl. Oun čivan t'maro phrales, o Abimelekes, pral t'mende, te vell lo o ray pral o foro Sichem. Oun leskri day hi miro dadeskro boudepaskretsa.

Čačepangre 9:20

Te his kova gar mishto, hoy kran t'mer, palle djal yag dran o Abimelek vin, oun koy yag rhal hakenes pre, kay an o foro Sichem djivella, ninna kolen, kay an o baro zorelo kheer djivenna! Oun lendar lauterendar djal yag vin oun rhal o Abimelekes pre!