Čačepangre 8:26 - O Debleskro Lab 2024 (Sinte-Manouche)

²⁶ Oun kol sonakangre kanengre, hoy dan le o Gideoneske, his yaake biish kilogramme phares. Oun kote his ko tselo vavar koova gar pashel: kol tikne paash-čonna, kol kanengre oun kol kouč lole ripya, hoy i bare raya dran o them Midian hidjran. Vitar gar i verklia, hoy i khamele troul pengre menya hidjran, his kote pashel.

O Debleskro Drom 2021 (Sinte)

²⁶ Un kol sonakangre kanengre, hoi dan le o Gideoneske, his jaake biish kilogramme phares. Un kote his ko tselo wawar koowa gar pashel: kol tikne tchonna, kol kanengre un kol kutch lole ripja, hoi i bare raja dran o them Midian hidjran. Witar gar i werklia, hoi i khamele trul pengre menja hidjran, his kote pashel.

Čačepangre 8:26 ပူးပေါင်းရင်းမြစ်များ

Ester 8:15

Oun o Mordekay djas vin o baro rayestar, rido an rayeskre koola. Kolla his blaueto oun parno. Oun ap leskro shero his shereskro sonakay. Leskri baya his dran layntikro than oun lolo bakrengro bal. Oun i menshe an o foro Susa stan oun dan gole i barhtyatar.

Gosewe laba 31:22

Plarhte krell li peske, rido hi li an lačo layntikro than oun lolo bakrengro bal.

Jesaja 3:18

Ap ko tsiro lell o baro Devel i djouvyenge ko tselo kouč koova krik, koleha yon pen yaake shoukar krenn, kol verklia, hoy čivenn le troul pengre pire, pengre sherya, pengre menya,

Jeremia 10:9

Yon hi kerdo menshendar, kay hayvenn mishto pengre vastentsa te boudrell. Rupeno saster dran o them Tarsis oun sonakay dran o foro Oufas tserdenn le pral kol figuren, oun rivenn len an blaueto oun lolo ripya.

Ezekiel 27:7

Koy plarhta, kay o dourho dren phourdell, his dran kouč layntikro than, hoy dran o them Egiptia vell. An koleste vas shoukar koova dren sido. Kova his tiro sikepen, hoy foun doural diklo vell. Te rhačrell tout gar o kham, vas i plarhta pre pandlo, hoy his kerdo dran kouč than, hoy blaueto oun lolo his, oun dran o foro Elisha vas.

Louka 16:19

Oun o Yezous penas pale: Koy his i bravelo morsh. Kova his hako tsiro shoukar oun rayles rido, oun djivas i shoukar djipen.

Johanni 19:2

I lourde pandan soubyengre kashta khetne oun čivan len leske ap o shero yaake, har i baro ray hidjrell shereskro sonakay ap peskro shero. Oun yon čivan leske i loli rayeskri plaashka trouyel.

Johanni 19:5

Oun o Yezous vas vin. Oun ap leskro shero his i pandle soubyengre kashta, oun koy loli kouč plaashka his ap leste. Oun o Pilato penas ap lende: “Dikenn, havo mensho hi lo!”

Debleskro tsiro 17:4

Oun koy djouvel his rido an i kouč lolo ripen. Oun ap late hi sonakay oun kouč barra oun mirklia. Oun lat his i sonakaskro khoro an lakro vast, pherdo djoungelo koova oun savo koova, hoy hi pale-čiddo glan o Debleste. Kava koova vas dran lakro vi-ladjedo djipen.

Debleskro tsiro 18:12

Lengro koova dran sonakay oun roup, kouč barra oun mirklia, lačo parno than oun kouč lolo than, oun phar, i tsele kouč kashta, hoy lačo soungenna, ninna shoukar koova, hoy kerdo vas dran parne danda, dran kouč kasht, dran lolo oun kalo saster, dran parne barra,

Debleskro tsiro 18:16

oun penenna: “Havi bibarht! Havi bibarht! Dikenn, o baro foro! I menshe an leste his rido an lačo parno than, oun an kouč lolo than, oun phar. Oun sonakay, oun kouč barra, oun mirklia his ap lende.

Čačepangre 8:21

Kote penas o Zeba oun o Zalmunna: “Ste tou pre oun kre kova kokres! Havo morsh yek hi, sikrell pes an leskri zoor.” Kote stas o Gideon pre, oun das o Zeba oun o Zalmunna temerl. Oun djas koy oun las kol sonakangre paash-čonna hoy lengre khamelenge troul lengre menya hi.

Čačepangre 8:25

Oun yon penan: “O djiyestar dah len tout.” Oun yon čivan i plaashka ap i phoub, oun hakeno lendar vitsras kol kanengre pre, hoy yob i vavar lourdenge krik las.

Čačepangre 8:27

Oun o Gideon kras dran ko sonakay yek devel. Oun čivas les pre an peskro foro, hoy kharella Ofra. Oun o tselo Israel vas koy, te mangenn le les an. Oun doleske peras o Gideon oun leskro tselo kheer o čačo dromestar tele.