Čačepangre 8:1 - O Debleskro Lab 2024 (Sinte-Manouche)

¹ I morsha dran o kheer Efrayim penan ap leste: “Har nay kral tou savo kova mentsa, te djal an o kourepen i Midianentsa, oun moukal men gar gole te dell?” Oun yon čingran zoreles ap leste.

O Debleskro Drom 2021 (Sinte)

¹ I mursha dran o kheer Efrajim penan ap leste: “Har nai kral tu sawo kowa mentsa, te djal an o kurepen i Midianentsa, un mukal men gar gole te dell?” Un jon tchingran soreles ap leste.

Čačepangre 8:1 ပူးပေါင်းရင်းမြစ်များ

2. Samuel 19:41

I tsele menshe dran Youda oun i paash kol menshendar dran Israel his pash o baro rayeste, har djas lo vergel o pani Yordan. Oun o baro ray djas doureder an Gilgal. Oun o Kimham djas leha.

2. Samuel 19:42

Koy van kol tsele morsha dran Israel pash o baro rayeste oun penan ap leste: “Hoske lan penge mare phrala, kol morsha dran o them Youda, ko čačepen, te anenn le tout, tiri familya oun tire tsele lourden pral o pani Yordan?”

Hiob 5:2

Koon rhoyrell pes pral halauter, hi dinelo. Leskri rholi tassrell les. Koon peskri rholi gar pale rikrell, hi narvelo. Yob merell ap peskri rholi.

Gosewe laba 15:1

I kamlo lab krell te djal o vavareskri rholi pale. I lab, hoy o vavares doukrell, krell les rhoyedo.

Sikepaskro 4:4

Oun me dikom, har marenn pen i menshe tele oun krenn lači boudi, te venn le feteder har kol vavar, yaake te zilverenn kolla ap lende. Kova hi ninna či-moldo, oun yaake har te nashals yek pal o dourho, hoy djal pral i phoub.

Hosea 13:1

His i tsiro, koy trissan i menshe, te rakras o Efrayim. Yaake an-diklo his lo an o them Israel. Palle vas i tsiro, koy djas lo o Debleskro dromestar tele, oun moukas pes o debleha Baal dren. Kova his leskro merepen.

Čačepangre 8:2

Oun yob penas ap lende: “Kova, hoy t'mer kran, hi boud bareder har kova hoy me krom. Kova hi yaake har an ko tsiro, kay i drake dren anlo venna: Kol palstoune drake hi feteder har i tsele vavar. Yaake hi kova, hoy o Efrayim kras, feteder har kova, hoy mire tsele menshe khetne kran.