Čačepangre 7:24 - O Debleskro Lab 2024 (Sinte-Manouche)

²⁴ Oun o Gideon bičras morshen an i berge Efrayim, oun moukas kote te penell: “Avenn tele, oun čivenn t'men i morshenge dran Midian an o drom! Denn yak ap i panyengre platse bis pash o foro Bet-Bara oun ninna ap o pani Yordan, te nashenn le penge gar koy vergel!” Koy van i tsele morsha dran Efrayim khetne kharedo. Oun yon kran yaake har o Gideon penas.

O Debleskro Drom 2021 (Sinte)

²⁴ Un o Gideon bitchras murshen an i berge Efrajim, un mukas kote te penell: “Awenn tele, un tchiwenn tumen i murshenge dran Midian an o drom! Denn jak ap i panjengre platse bis pash o foro Bet-Bara un ninna ap o pani Jordan, te nashenn le penge gar koi wergel!” Koi wan i tsele mursha dran Efrajim khetne kharedo. Un jon kran jaake har o Gideon penas.

Čačepangre 7:24 ပူးပေါင်းရင်းမြစ်များ

Habakuk 3:7

Me dikom, har daran kol menshe, kay djivenn an plarhtene khera an o them Koushan, oun har trissan i menshe an o them Midian.

Johanni 1:28

Har o Yohanni kova rakras, his yob an o foro Betani ap i vavar rig o panyestar Yordan, kote, kay taufras lo i menshen.

Remarja 15:30

Mire phrala, mangau t'mendar an o lab maro rayestar o Yezous Kristestar, oun an o kamlepen, hoy o Debleskro Dourho men das: Mangenn mantsa khetne o Debles o tselo djiyeha,

Filiparja 1:27

Kanna, krenn lauter, te djan yaake ap o Yezouseskro drom, har kova t'mende siklo vas! Krenn kova ninna, te hom gar pash t'mende! Te dikau t'men gar, kamaus te shounap, te rikrenn t'mer lauter khetne an o patsepen, oun te krenn i tseli zoryah lauter, te vell o patsepen ap o Yezous Kristeste zorelo pash t'mende.

Čačepangre 12:5

Oun i morsha dran Gilead lan kol platse dren, kay nay djan le vergel o Yordan an o them Efrayim. Oun hako kopo te vas i Efrayimari, hoy ap o naashepen his, oun penas “Mouk man vergel te djal!” palle poučan i morsha dran Gilead lestar: “Hal tou i Efrayimari?” Oun te penas lo “na-a”,

Čačepangre 8:3

An t'maro vast das o Devel kol pralstunen pral o Midian: o Oreb oun o Seeb. Oun hoy nay krom me? Te dikeh yek ap kova, hoy t'mer kran, krom me nay yaake boud har či!” Oun har yob yaake lentsa rakras, djas lengri rholi pale.