Čačepangre 6:39 - O Debleskro Lab 2024 (Sinte-Manouche)

³⁹ Oun o Gideon penas ap o Debleste: “Ma mouk tiri rholi ap mande rhačrell, te mangau tout gomme yek kopo: Kamau les i douyto kopo i bakrengre ballentsa te krell. Kava kopo mouk kek pani ap o bakrengro bal te vell, kokres i tseli phoub trouyel te vell sapenes.”

O Debleskro Drom 2021 (Sinte)

³⁹ Un o Gideon penas ap o Debleste: “Ma muk tiri choli ap mande chatchrell, te mangau tut gomme jek kopo: Kamau les i duito kopo i bakrengre ballentsa te krell. Kau kopo muk kek pani ap o bakrengro bal te well, kokres i tseli phub trujel te well sapenes.”

Čačepangre 6:39 ပူးပေါင်းရင်းမြစ်များ

1. Mose 18:30

Oun o Abraham penas: “Miro ray, ab gar rhoyedo, te rakrau pale touha. Hoy, te hatseh kote 30 (triyanda)?” Penas yob: “Te hatsau 30 (triyanda), kamau ko foro či te krell.”

1. Mose 18:32

Koy penas o Abraham: “Miro ray, me mangau tout, ab gar rhoyedo! Me kamau gomme yek kopo touha te rakrell. Hoy, te hatseh kote deesh?” Penas yob: “Te hi kote deesh, kamau ko foro či te krell.”

Jesaja 50:2

Hoske vom me, oun kek mensho his koy, dom gole, oun kek das pes glan? Hi miri moussi gar lengsto doha, te nay lap t'men gar dran o pandepen vin? Hi an mande kek zoor, te nay lap gar yekes vin dran o vavareskro vast? Dikenn, te čingrau me ap o baro pani, palle vell lo trouk i daryatar, oun lengste panya venn har o moulo them. I mačen an lende hi bouder gar doha pani, oun merenn i troushatar oun khandenn palle.

Mateo 21:43

Ava, me penau t'menge: An ko tsiro, hoy vella, han t'mer bouder gar o Debleskre menshe. O Devel dell vavar menshen khetne gole, te djivenn le leha khetne. Oun yon krenna, hoy o Devel kamella.

Mateo 8:12

Oun i biboldendar venna boud an i kali rat vin vitsedo. Oun yon rovenna, oun dandrenn i danda i doukatar khetne.”

Bičepangre 13:46

O Paules oun o Barnabes his kek traash lendar, oun penan lenge: “T'menge hounte vas o Debleskro lab glan kol tsele vavar menshende penlo. Har kamenn t'mer kanna či kolestar te djinell, sikrenn t'mer, te han gar moldo, te lenn ko djipen, hoy gar pre-herella. Doleske djah mer kanna pash kolende, kay hi kek bibolde.

Bičepangre 22:21

O ray Yezous penas ap mande: Dja dran o foro Yerusalem vin! Me bičrau tout an i vavar themma pash kolende, kay kek bibolde hi.

Bičepangre 28:28

Oun o Paulo penas: “Djinenn! Kanna vell o Debleskro lačo lab o Yezous Kristestar pash kolende, kay kek bibolde hi, oun yon shounenna.”

Čačepangre 6:38

Oun yaake vas kova. Sik o vavar dives stas o Gideon pre oun las o bakrengro bal mank peskre vasta. Oun ko pani, hoy vin vas, his yek čaro pherdo.

Čačepangre 6:40

Oun o Devel kras an koy rat yaake, te vas kek pani ap o bakrengro bal, oun i tseli phoub trouyel his sapeno.