Čačepangre 6:34 - O Debleskro Lab 2024 (Sinte-Manouche)

³⁴ Kote vas o baro Debleskro dourho pral o Gideon. Oun yob phourdas an i phourdepaskri, te dell lo i Abiyesarya khetne gole, te venn le leske palla an o kourepen.

O Debleskro Drom 2021 (Sinte)

³⁴ Kote was o baro Debleskro ducho pral o Gideon. Un job phurdas an i phurdepaskri, te dell lo i Abijesarja khetne gole, te wenn le leske palla an o kurepen.

Čačepangre 6:34 ပူးပေါင်းရင်းမြစ်များ

1. Familjakro liil 12:18

Oun o David djas pash lende vin, oun penas ap lende: “Van t'mer an o kamlepen pash mande, te rikrenn pash mande, palle hi miro dji t'mentsa yek! Te van te phoukrenn ap mande pash kolende, kay kamenn man te marell, palle mou dikell o Devel mare dadendar koy pal, oun mou dell t'men i phagi. Yob djinell, kay krom kek čilačo koova.”

1. Familjakro liil 12:19

Kote vas o Debleskro dourho pral o Amasay, ko pralstouno pral i triyanda zorele kourepangre, oun yob penas: David, tire ham mer! ap toute rikrah men, tou o Isayeskro čavo! Lačepen oun barht mou vell pral toute, oun ninna pral kolende, kay pash toute hi! Tiro Devel hi ap tiri rig! Koy las len o David pash peste, oun kras lendar pralstoune pral peskre lourdende.

2. Familjakro liil 24:20

Oun o Debleskro dourho vas pral o Zakarie, koleskro dad o rashay Yoyada his. Yob djas glan i menshende oun penas ap lende: “Kava penell o Devel: Hoske rikrenn t'men gar ap kova, hoy penom? Doleske djal kova gar mishto, hoy krenna. T'mer moukan o baro Debles. Doleske moukell yob t'men ninna.”

Debleskri gili 51:11

Ma dik ap miri doosh, oun le o čilačo koova, hoy krom, mandar krik!

4. Mose 10:3

Oun te phourdenn le kol douyentsa, hounte venn i tsele Israelitarya pash toute khetne glan o Debleskro kheer.

Remarja 13:14

Djivas yaake har maro ray, o Yezous Kristo, djivas! Te kamell o djoungelo koova an t'maro shero te vell, palle penenn: Na-a!

Galatarja 3:27

Har van t'mer ap o Yezous Kristeskro lab taufedo, his kova yaake, har te rivans t'mer o Yezous Kristes an, – yaake har i ripen.

Josua 17:2

Palle lan i familye, kay van i vavar čavendar o morshestar Manasse pengro them, yaake har i barra peran. Kolla his i familye, kay van kal morshendar: o Abiyeser oun o Helek o Asriel oun o Sichem oun o Hefer oun o Shemida. Kolla lauter van o morshestar Manasse, koleskro dad o Yosef his. Yon his phoureder pral pengre familye.

Čačepangre 13:25

Oun o dourho o baro Deblestar vas ap leste o ersto kopo, har his lo ap i platsa Makaneh-Dan mashkral i forya Zora oun Eshtaol.

Čačepangre 14:19

Oun o baro Debleskro dourho vas pral leste. Oun yob djas tele an o foro Ashkelon oun das triyanda morshen lendar moulo, oun rivas len vin, oun das kol koola kolen, kay leske penan, hoy peskre laba kaman te penell. Oun bari rholyah djas lo pale an peskro dadeskro kheer.

Čačepangre 15:14

Oun har lo an o foro Lehi vas, dan i Filistarya bari gole i barhtyatar. Oun o baro Debleskro dourho vas pral leste. Oun kol shelle troul leskre moussya van har layntikre thaba, ap kolende yag vas, oun peran tele.

Čačepangre 3:10

Oun o baro Debleskro dourho vas pral leste, oun yob vas o čačepaskro ray pral i Israelitarya. Oun yob djas vin an o kourepen. Oun o baro Devel das o baro rayes pral o them Mesopotamia an leskro vast. Koleskro lab his Koushan-Rishatayim. Oun o Otniel vas zorleder har yob.

Čačepangre 3:27

Oun har lo kote vas an o pralstouno them Efrayim, phourdas lo an i phourdepaskri, te kharell lo i Israelitaryen khetne o kourepaske. Oun yon djan leha i berga tele. Oun yob djas glan lende,

Čačepangre 6:11

Oun ko baro Debleskro bolepaskro vas, oun beshas pes tel ko baro rouk, hoy pash i platsa his, hoy kharella Ofra. Koy platsa his o Yoashes dran i familya Abiyeser. Oun leskro čavo Gideon his an ko kashteskro, hoy kerdo his, te krenn le mool dran i drake. Oun kote das lo khatemen o djob vin, te nay taprenn i Midianarya gar ko djob ninna.

Čačepangre 8:2

Oun yob penas ap lende: “Kova, hoy t'mer kran, hi boud bareder har kova hoy me krom. Kova hi yaake har an ko tsiro, kay i drake dren anlo venna: Kol palstoune drake hi feteder har i tsele vavar. Yaake hi kova, hoy o Efrayim kras, feteder har kova, hoy mire tsele menshe khetne kran.

1. Samuel 10:6

Oun o baro Debleskro dourho vell pral toute, oun tou rakreh lentsa khetne o Debleskro rakepen vin. Oun kote veh tou i vavar mensho.

1. Samuel 11:6

Oun har o Saul kol laba shounas, vas o Debleskro dourho pral leste, oun i rholi rhačras an leste pre.

1. Samuel 13:3

His i dives, koy maras o Yonatan kol lourden i Filistarendar, kay an Gibea his oun koy yak dan. Oun har i Filistarya kova shounan, moukas o Saul an i phourdepangre te phourdell oun penas: “I tsele Hebrearya hounte shounenn kava!”

1. Samuel 16:14

Oun o baro Debleskro dourho djas peske o Saulestar. Oun o baro Devel bičras leske i čilačo dourho, hoy kras leske daar.