Čačepangre 6:33 - O Debleskro Lab 2024 (Sinte-Manouche)

³³ Oun i tsele Midianarya oun i tsele Amalekarya oun kolla, kay van kotar, kay o kham pre djala, van khetne oun djan vergel o pani Yordan oun čivan pengre plarhtene khera pre an o telstouno them Yesreel.

O Debleskro Drom 2021 (Sinte)

³³ Un i tsele Midianarja un i tsele Amalekarja un kolla, kai wan kotar, kai o kham pre djala, wan khetne un djan wergel o pani Jordan un tchiwan pengre plachtene khera pre an o telstuno them Jesreel.

Čačepangre 6:33 ပူးပေါင်းရင်းမြစ်များ

1. Mose 29:1

Oun o Yakob djas doureder oun vas an ko them, kay kote čiddo hi, kay o kham pre djala.

1. Rajengro liil 18:45

Oun yaake vas: Sik vas o bolepen kalo, i zorelo dourho tradas kale volke pash lende, oun palle vas i baro brishin. Oun o Ahab beshas ap peskro vourdin oun ouleras tele an o foro Yesreel.

1. Rajengro liil 21:1

Pal i tsiro djas kova: O baro rayes Ahab dran Samaria his i kheer an o foro Yesreel. Koy pashel his i drakengro them. Kova his i morshes dran Yesreel. Yob kharas Nabot.

1. Familjakro liil 5:19

Yon kouran pen i menshentsa dran i khera Yetour oun Nafish oun Nodab. Kolla his Hagararya.

Hiob 1:3

Ninna his les boud firhe: 7.000 (efta-zerya) bakre oun 3.000 (triin-zerya) khamele, oun yek zerya groumya, kolendar hako kopo douy khetne boudran, oun 500 (panč-sheel) djouvelkane bourike. Oun les his boud boud boudepangre. Kek mensho his bravleder har o Hiob an ko them, hoy hi kote čiddo, kay o kham pral djal.

Debleskri gili 3:1

I gili o Davidestar, hoy lo kras an ko tsiro, har hounte nashas lo peske glan peskro čaveste, o Absalom.

Ezekiel 25:4

Doleske dau t'maro them an i vasta kolendar, kay kotar venn, kay o kham pre djal, te čivenn le pengre plarhtene khera pash t'mende pre, oun djivenn an t'maro them. Yon rhan ko djob, hoy ap t'mari phoub bares vas, oun piyenn i thoud t'mare firhendar.

Hosea 1:5

An ko tsiro krau, te venn kote an i tala Yesreel i Israelengre lourde dino.

Josua 17:16

I morsha dran o kheer Yosef penan: “I berge hi gar bares doha menge. Oun kol Kanaanitarya, kay djivenn tele an o telstouno them, an o foro Bet-Shean oun an kol gaba trouyel, ninna an o telstouno them Yesreel, len hi sasterne kourepangre vourdya.”

Josua 19:18

An lengro them his kol forya: Yesreel, Kessoulot, Shounem,

Josua 3:16

ačas o pani, hoy pralstounes lendar his, tardo har i kheer dour pral pash o foro Adam, hoy pash Zaretan čiddo hi. Oun ko pani, hoy telstounes lendar his oun tele an o Londo Baro Pani nashell, kova nashas bouder gar pal oun djas krik. Oun yaake nay djan i tsele menshe ap i vavar rig, pash ko foro Yericho.

Čačepangre 6:3

Oun hako kopo, kay vitsran i Israelitarya o djob an i phoub, palle van i Midianarya oun i Amalekarya oun vavar menshe kotar, kay o kham pre djala, oun peran an o them dren.

Čačepangre 7:1

Oun sik taysarlakro djas o Gideon, kay kharell ninna Yeroub-Baal, peskre tsele lourdentsa, hoy pash leste hi, pash o pani, hoy kharella Harod. Oun kote čivan le pengre plarhtene khera pre. Yaake his i lourde dran o them Midian serves lendar pash koy tikni berga More an o telstouno them.

Čačepangre 7:24

Oun o Gideon bičras morshen an i berge Efrayim, oun moukas kote te penell: “Avenn tele, oun čivenn t'men i morshenge dran Midian an o drom! Denn yak ap i panyengre platse bis pash o foro Bet-Bara oun ninna ap o pani Yordan, te nashenn le penge gar koy vergel!” Koy van i tsele morsha dran Efrayim khetne kharedo. Oun yon kran yaake har o Gideon penas.

Čačepangre 7:8

Oun yon lan kolendar, kay khere djan, lengro rhapen oun pipen oun lengre phourdepangre pash pende. Oun yaake bičras o Gideon i tsele lourden pale pale pash pengre plarhtene khera. Kokres kol triin-sheel rikras lo pash peste. Oun kol tsele lourde dran o them Midian his tella glan leste an o telstouno them.