Čačepangre 6:3 - O Debleskro Lab 2024 (Sinte-Manouche)

³ Oun hako kopo, kay vitsran i Israelitarya o djob an i phoub, palle van i Midianarya oun i Amalekarya oun vavar menshe kotar, kay o kham pre djala, oun peran an o them dren.

O Debleskro Drom 2021 (Sinte)

³ Un hako kopo, kai witsran i Israelitarja o djob an i phub, palle wan i Midianarja un i Amalekarja un wawar menshe kotar, kai o kham pre djala, un peran an o them dren.

Čačepangre 6:3 ပူးပေါင်းရင်းမြစ်များ

1. Mose 25:6

Oun kol čaven, kay leskre vavar romyendar bolde van, das o Abraham kouč koova pestar. An ko tsiro har yob djivas, bičras lo len dour krik peskro čavestar Isaak an ko them, hoy kote čiddo hi, kay o kham pre-djala.

1. Mose 29:1

Oun o Yakob djas doureder oun vas an ko them, kay kote čiddo hi, kay o kham pre djala.

1. Rajengro liil 20:27

Oun i Israelengre lourde van khetne kharedo, oun lenge vas peha dino, hoy len hounte vell o kourepaske. Oun yon djan vin oun moukan pen tele ap douy platse vergel kol Syrarya. I Israelitarya his gar boud. Yon dikan vin har douy tikne bouzyengre herde. I Syrarya his yaake boud, te his o them lendar pherdo.

1. Rajengro liil 5:10

Leskro gosvepen his bareder har ko tselo gosvepen halauterendar khetne, kay djivan an o them, kay o kham pre djal, oun ninna har ko gosvepen foun i Egiptarya.

Hiob 1:3

Ninna his les boud firhe: 7.000 (efta-zerya) bakre oun 3.000 (triin-zerya) khamele, oun yek zerya groumya, kolendar hako kopo douy khetne boudran, oun 500 (panč-sheel) djouvelkane bourike. Oun les his boud boud boudepangre. Kek mensho his bravleder har o Hiob an ko them, hoy hi kote čiddo, kay o kham pral djal.

Hiob 31:8

palle kamau djob an i phoub te vitsrell, oun i vavar nay rhal kova, hoy kolestar bares vas. Oun kova, hoy mange dran i phoub vin vas, tserdenn palle i vavar dran i phoub vin.

2. Mose 17:8

Har i Israelitarya an Refidim his, peran i Amalekarya pral lende.

Jesaja 11:14

Palle djan le khetne bari zoryah ap i Filistarya, kay kote djivenn, kay o kham tele djal. Oun khetne randenn le kolen vin, kay an i themma djivenn, kay o kham pre djal. I themma Edom oun Moab lenn le dren. Oun i Ammonarya hounte krenn, hoy yon penenn.

Jesaja 62:8

O baro Devel das pes sovel oun das peskro čačo vast pre, oun hadas peskri zoreli moussi, oun penas, te dell kek tsiro bouder, kay moukell lo kolen tiro djob te rhal, kay kourenn pen touha, oun vitar gar i menshen dran vavar themma tiri mool te piyell, kolake tou yaake phares boudral.

Jeremia 49:28

Laba pral i menshende an Kedar oun pral o them Hazor, hoy o Neboukadnezar, ko ray pral o them Babilonia, peskre lourdentsa dren las. Kava penell o baro Devel ap i Babilonarya: Djan an o kourepen i menshentsa an Kedar! Oun marenn kolen, kay djivenn kote, kay o kham pre djal!

Ezekiel 25:3

Pen lenge: Shounenn, hoy o baro Devel, maro ray, t'menge penell! Kava penell o baro Devel, maro ray: T'mer san pral miro kheer, oun penenn: Haha, har pale-čiddo hi lo! Oun pral o them Israel san t'mer, oun penenn: I moulo them vas kova! Ninna pral o kheer Youda san t'mer, oun penenn: An o pandepen anlo van le.

Ezekiel 25:4

Doleske dau t'maro them an i vasta kolendar, kay kotar venn, kay o kham pre djal, te čivenn le pengre plarhtene khera pash t'mende pre, oun djivenn an t'maro them. Yon rhan ko djob, hoy ap t'mari phoub bares vas, oun piyenn i thoud t'mare firhendar.

3. Mose 26:16

palle krau t'mentsa yaake: Bari bibarht anau pral t'mende, pharo nasslepen, hoy t'menge o djipen randell. T'mer rhačenn glan fibro, t'mare yaka nay dikenn bouder gar mishto, oun kek zoor ačell an t'mende. Čičeske vitsrenn djob vin an i phoub. Kolla, kay kourenn pen t'mentsa, rhan les pre.

Micha 6:15

T'mer čivenn djob an i phoub, oun nay anenn kek nevo djob dren. T'mer krenn djet dran i djeteskre drake, oun nay makenn t'men gar leha dren. T'mer krenn mool, oun nay piyenn lat gar.

5. Mose 28:51

Oun yon rhan t'mare firhen. Oun halauter, hoy ap t'mari phoub bares vas, rhan le pre. T'menge moukenn le či pral, kek djob, kek mool, kek djet oun vitar kek terne t'mare groumyendar, bakrendar oun bouzyendar. Yaake hounte merenn t'mer i bokatar, bis te kek t'mendar bouder koy hi.

Čačepangre 10:12

i Sidonarya, i Amalekarya oun i Maonarya? Oun har t'mer ap mande gole dan, lom me t'men dran lengre vasta vin.

Čačepangre 3:13

Oun yob anas i Ammonarya oun i Amalekarya pal peste, djas lentsa koy, oun das o Israel oun las o palmtikro foro dren.

Čačepangre 6:2

Oun kolengro vast vas yaake zoreles pral o Israel, te khatran pen i Israelitarya an i berge oun djivan an i grotte mank i bare barra oun an zorele khera, hoy kran pen le an i berge.

Čačepangre 6:33

Oun i tsele Midianarya oun i tsele Amalekarya oun kolla, kay van kotar, kay o kham pre djala, van khetne oun djan vergel o pani Yordan oun čivan pengre plarhtene khera pre an o telstouno them Yesreel.

Čačepangre 6:4

Yon anan pengre firhen oun plarhtene khera peha oun his yaake boud har i stepangre. Kek djinas, har boud yon oun lengre khamele hi, yaake boud his le. Oun yon beshan pen ap o Israeleskro them oun rhan lauter pre, hoy kote bares vas. An o tselo them bis pash o foro Gaza ačas kek rhapen pral, vitar kek bakre, groumya oun bourike. Yaake kran le o them paash.

Čačepangre 7:12

Oun i Midianarya oun i Amalekarya oun lauter, kay van kotar, kay o kham pre djal, his kote čiddo an o telstouno them oun čakran o them har i stepangre. Yaake boud his le. Oun lengre khamele his yaake boud, te djinas kek, har boud yon hi. Kolla his yaake boud har i santa pash o baro pani.

Čačepangre 8:10

Oun o Zeba oun o Zalmunna his an o them Karkor. Oun 15.000 (deesh-te-panč-zerya) lourde his pash lende, lauter kolla, kay pral ačan kol tsele lourdendar, kay dran o them van, kay o kham pre djal. Kol vavar morsha, kay nay kouran pen o rhareha, van temerl dino. Kolla his 120.000 (sheel-te-biish-zerya) morsha.