Čačepangre 5:31 - O Debleskro Lab 2024 (Sinte-Manouche)

³¹ Maro baro Devel, yaake hounte merenn lauter, hoy tout gar kamenna. Kolla, kay kamenn tout o tselo djiyestar, yon te venna raylo har o kham, har djal lo pre an peskri zoor! Oun pal kova his an o them 40 (star-deesh) bersha kek kourepen.

O Debleskro Drom 2021 (Sinte)

³¹ Maro baro Dewel, jaake hunte merenn lauter, hoi tut gar kamenna. Kolla, kai kamenn tut o tselo djijestar, jon te wenna railo har o kham, har djal lo pre an peskri soor! Un pal kowa his an o them 40 (star-deesh) bersha kek kurepen.

Čačepangre 5:31 ပူးပေါင်းရင်းမြစ်များ

2. Samuel 18:31

Koy vas ko morsh dran Etiopia oun penas: “Ake, anau touke i lačo lab, miro baro ray. O baro Devel kras, te less tou kay dives tiro čačepen. Yob las tout vin dran i vasta lauterendar, kay hadan pen ap toute.”

2. Samuel 18:32

Penas o baro ray ap ko morsheste: “Djal miro čaveske o Absalomeske ninna mishto?” Penas ko morsh: “Miro baro ray, mou djal kolenge, kay kamenn tiro merepen, yaake har djas ko terno morsheske, ninna lauterenge, kay čilačepah ap toute djan.”

2. Samuel 23:4

kova hi har o kham, kay djal pre taysarlakro, ap i dives, kay kek volke hi. Kova hi har ko zenlepen, hoy vell pal o brishino dran i phoub vin.”

Debleskri gili 19:6

Taysarlake djal o kham vin har i biyabeskro dran peskri isema, oun har i zorelo naashepaskro hi lo barhtelo, te nashell peskro drom.

Debleskri gili 20:8

Vavar menshe patsenna ap i zoor pengre grayendar oun vourdya. Mer dah gole ap maro baro Debleste.

Debleskri gili 37:6

Oun yob moukell tiro čačepen pre te djal har o kham, oun moukell tiro čačepen diklo te vell har o kham mashkral o dives.

Debleskri gili 89:36

Yek kopo dom me man sovel, oun rhorhau o Davides gar: Yaake har čačo hi, kay hom o Devel, yaake hi čačo,

Debleskri gili 89:37

te venn o Davidestar bare raya an hake tsirya, yaake rah har o kham koy hi,

Debleskri gili 91:14

O Devel penell: “Yob kamell man o tselo djiyestar. Doleske lau les dran kova lauter vin. Yob prindjrell man. Doleske dau yak ap leste.

Debleskri gili 92:10

Mer djinah, lauter, kay tout čilačepen kamenn, hounte merenn. Oun lauter, kay čilačo koova krenna, venn krik tradedo.

Debleskri gili 92:9

Tou, baro Devel, hal o pralstouno, oun ačeh hake tsirenge.

Debleskri gili 97:10

T'mer, kay o baro Debles kamenna, stakrenn o čilačepen khetne. O baro Devel rikrell peskre vasta pral o djipen kolendar, kay leskre hi, oun lell len vin dran o vast i čilačendar.

Debleskri gili 97:8

Tou, baro Devel, hal i ray, kay djal pal o čačepen. Kova shounenn i menshe an o foro Sion oun hi barhtelo. Oun kolla an o them Youda sanenn oun khelenn i barhtyatar.

2. Mose 20:6

Lačepen oun kamlepen dau me ap kolende, hoy man o djiyestar kamenn oun krenn, hoy me penau. Ninna lengre čavenge, kay pal lende venna, hom lačo, yaake rah har i seri familye yek pal i vavar djivenn.

Gosewe laba 4:18

O drom kolendar, kay o čačepen krenn, hi har o kham, hoy taysarlakro pre djal, oun o dives anell oun zorleder vell bis te hi lo pralstounes tardo.

Daniel 12:3

Oun kolla, kay hayvan o Debleskro drom, hi har i momeli ap o bolepen. Oun kolla, kay sikran i vavarende o čačo drom, hi har i bolepangre momlia hako tsireske.

Hosea 6:3

Mer te das yak koy pre o tselo djiyestar, te prindjras o baro Debles! Yob vella! Kova hi yaake čačo, har o kham hako dives pre djala. Yob vella, har i brishin pash mende vella, ava, har i brishin pal o vend i phoub sapenes krella.

Mateo 13:43

Palle hi kolla, kay kran, hoy lengro dad an o bolepen kamas, har i bari momeli an leskro raylo them. Moukenn kova an t'maro shero trouyel te djal!

Remarja 8:28

Mer djinah, halauter vell mishto kolenge, kay o Debles kamenna. Glan rah tsiro his o Debles an peskro dji, te dell lo menshen gole, te djivenn le leha khetne.

1. Korintarja 8:3

Koon čačepah gosevo hi, kova kamell o Debles o djiyestar. Oun o Devel prindjrell les.

Efesarja 6:24

O Debleskro lačepen vell pral lauterende, kay kamenn maro rayes, o Yezous Kristes, o tselo djiyeha! Yob dell len o djipen, hoy gar pre-herella!

5. Mose 6:5

Tou kamess les tiro tselo djiyestar oun tiro tselo djipah oun tiri tseli zoryah.

5. Mose 7:9

Djinenn: t'maro baro Devel hi kokres o čačo Devel. Yob rikrell peskro lab, oun hoy lo t'mentsa vin kras. Lačepen oun kamlepen dell lo kolende, hoy les o djiyestar kamenn oun krenn, hoy lo penell. Ninna lengre čavenge, kay pal lende venna, hi lo lačo, yaake rah har seri familye yek pal i vavar djivenn.

Jakobo 1:12

Barhtelo hi kova, koon moukell gar peskro patsepen, ninna te vell i pharo koova ap leste. Yob hi moldo, te lell lo ko djipen, hoy gar pre-herella. Kava djipen dell o Devel kolen, kay les kamenna.

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.

1. Petro 1:8

Koles kamenn t'mer o djiyestar, ninna te dikan les gar. Ap leste patsenn t'mer, ninna te dikenn les kanna nay gar. T'maro patsepen anell t'men pash o Debleste an o bolepen. Kote hi t'mari barht yaake baro, hoy i labentsa nay gar penenna.

Debleskro tsiro 1:16

Oun an leskro čačo vast his les efta bolepangre momlia. Oun dran leskro mouy vas i rharo, hoy ap douy rigya nay činella. Oun leskro mouy his har o kham.

Debleskro tsiro 18:20

Avenn barhtelo, t'mer, kay djivenn an o bolepen! O baro foro hi paash! Avenn barhtelo, t'mer Debleskre menshe! Avenn barhtelo t'mer, kay han o Yezouseskre bičepangre, ninna t'mer, kay han o Debleskre rakepangre! Kova, hoy o foro čilačes kras ap t'mende, das o Devel ko fores pale.

Debleskro tsiro 6:10

Oun dan zoreles gole oun penan: “Baro Devel oun čačo ray, ab sik oun rake i phagi vin pral kolende ap i phoub, kay maran men. De len ko čilačepen pale, hoy yon ap mende kran!”

Čačepangre 3:11

Oun ko themeske Israel djas 40 (star-deesh) bersha lačes oun kek kourepen his an ko tsiro. Oun palle meras o Otniel, koleskro dad o Kenas his.

Čačepangre 3:30

Oun yaake his i Israelitarya ap kava dives zorleder har i Moabarya. Oun 80 (orhta-deesh) bersha his kek kourepen an o them.