Čačepangre 5:2 - O Debleskro Lab 2024 (Sinte-Manouche)

² Sharas o baro Debles! Čače morsha anan o Israel an o kourepen. Pendar vin djan i kourepangre lentsa.

O Debleskro Drom 2021 (Sinte)

² Sharas o baro Debles! Tchatche mursha anan o Israel an o kurepen. Pendar win djan i kurepangre lentsa.

Čačepangre 5:2 ပူးပေါင်းရင်းမြစ်များ

2. Familjakro liil 17:16

ko triinto his o Amasya, koleskro dad o Zikri his; yob kamas dran peste kokres an i boudi o baro Debleske te vell, oun tel leste his 200.000 lourde.

Nehemia 11:2

Oun i menshe rakran i barht pral kolende vin, kay kaman an o Yerusalem te djan, te djivenn le koy.

Debleskri gili 103:2

Miro tselo djiyestar sharau o baro Debles, oun bistrau gar o lačepen, hoy yob mange kras.

Debleskri gili 110:3

Tou te deh tire lourden gole, venn le lauter o djiyestar touha. Shoukar an-rido hi kol terne morsha, kay venn pash toute ap o Debleskri berga, raylo har o dives, te djal o kham pre.

Debleskri gili 136:15

O baro rayes pral o them Egiptia oun leskre tsele lourden vitsras lo an o Baro Lolo Pani. Leskro lačepen ačella hako tsireske!

Debleskri gili 18:47

O baro Devel djivella! Les sharau: har i baro zorelo bar hi lo mange. Miro Debles hadau: yob das ap mande yak,

Debleskri gili 48:11

Yaake baro har tiro lab, maro Devel, yaake baro hi tiro raylepen ap i tseli phoub. Tiro čačo vast hi pherdo čačepen.

Debleskri gili 94:1

Baro Devel, tou hal o Devel, kay o čilačepen pale deh kolenge, kay vavaren čilačepen kran. Ab, oun sike tout!

Debleskri gili 97:8

Tou, baro Devel, hal i ray, kay djal pal o čačepen. Kova shounenn i menshe an o foro Sion oun hi barhtelo. Oun kolla an o them Youda sanenn oun khelenn i barhtyatar.

1. Korintarja 9:17

Te kroms me kova mandar, palle nay loms me kova playsedo. Me krau kova gar mandar. O Devel das man koy boudi.

2. Korintarja 8:12

Te dell yek o djiyestar yaake boud har nay dell lo, dikell o Devel lačes ap leste. Yob kamell gar, te dell lo boudeder, har les hi.

2. Korintarja 9:7

Hakeno hounte dell yaake boud love, har leskro dji leske penella. Les hounte khaytell kova gar, hoy yob das! Yob dell kova pestar oun gar, har te kaman le les lestar. O Devel kamell kol menshen, kay denn o djiyestar.

5. Mose 32:43

T'mer menshe dran i vavar themma, sharenn o baro Debleskre menshen! Kolla, kay maran leskre boudepangre, kolenge dell yob halauter pale ap lengre sherya. Oun yob dell kolen halauter pale, kay kouran pen leha. Oun lell krik o praasepen, hoy ap o them peskre menshendar hi.

5. Mose 33:21

Yob rodas peske o feteder kotar them vin. Har i pralstoune pral Israel khetne van, dan le leste ko kotar them, hoy i pralstuneske hi. Oun khetne i pralstunentsa pral Israel kras yob o čačepen yaake vin, har o baro Devel kova kamas, te djivenn i Israelitarya pal o baro Debleskre laba.

Filiparja 2:13

Yob sikrell t'men, hoy yob kamella. Ninna krell lo an t'mende, te kamenn t'mer kova, hoy yob kamella, oun te nay krenn kova ninna.

Filemon 1:14

Me kamom gar čomone te krap, hoy tou gar kameh. Doleske rikrom o Onesimes gar pash mande. Tou te kameh les mange pale te dell, kress tou kova dran tiro lačepen.

Debleskro tsiro 18:20

Avenn barhtelo, t'mer, kay djivenn an o bolepen! O baro foro hi paash! Avenn barhtelo, t'mer Debleskre menshe! Avenn barhtelo t'mer, kay han o Yezouseskre bičepangre, ninna t'mer, kay han o Debleskre rakepangre! Kova, hoy o foro čilačes kras ap t'mende, das o Devel ko fores pale.

Debleskro tsiro 19:2

Lačo oun čačo hi lo. I phagi, hoy yob i menshen das, hi mishto oun čačo. Yob das i bari loubyat lakri phagi. Yoy tserdas i menshen ap i tseli phoub an vi-ladjedo koova oun maras o Debleskre boudepangren. O Devel das lat ko čilačepen pale, hoy yoy ap lende kras.”

Čačepangre 5:9

Miro dji hi i pralstunenge an Israel, oun i lourdentsa, kay pendar vin djan an o kourepen. Kolenge parkrenn t'men pash o baro Debleste!