Čačepangre 3:31 - O Debleskro Lab 2024 (Sinte-Manouche)

³¹ Oun pal leste vas o Shamgar o čačepaskro morsh. Koleskro dad his o Anat. Oun o Shamgar das 600 (shob-sheel) Filistaryen moulo savo kashteha, koleha yek i groumyen tradell. Oun ninna yob las i Israelitaryen vin dran o vast kolendar, kay lenge o djipen phares kran.

O Debleskro Drom 2021 (Sinte)

³¹ Un pal leste was o Shamgar o tchatchepaskro mursh. Koleskro dad his o Anat. Un o Shamgar das 600 (shob-sheel) Filistarjen mulo sawo kashteha, koleha jek i grumjen tradell. Un ninna job las i Israelitarjen win dran o wast kolendar, kai lenge o djipen phares kran.

Čačepangre 3:31 ပူးပေါင်းရင်းမြစ်များ

1. Korintarja 1:17

O Yezous Kristo bičras man gar, te taufrap i menshen. Yob kamell te penap o lačo lab lestar i menshenge. Me penau kova gar goseve labentsa. Te rakroms me goseve labentsa, merals o Yezous Kristo čičeske ap o troushel.

Čačepangre 10:11

Oun o baro Devel penas ap lende: “Hi gar yaake, te rikran t'men i Egiptarya tele oun i Amorarya, i Ammonarya, i Filistarya,

Čačepangre 10:17

Oun i Ammonarya van khetne gole dino, oun čivan pengre plarhtene khera pre pash o foro Gilead. Oun i Israelitarya van khetne pash Mispa.

Čačepangre 10:7

Kote rhačas i bari rholi pre an o baro Debleste ap i Israelitarya. Oun yob das len an i vasta i menshendar dran i themma Filistia oun Ammon.

Čačepangre 15:15

Oun yob hatsas i mouyeskro kokalo i mouli eslatar, las les an o vast oun das leha 1.000 (yek zero) morshen moulo.

Čačepangre 2:16

Oun pale te pale moukas o baro Devel čačepangre morshen pre te stell. Kolla lan len vin dran o vast kolendar, hoy lendar čoran.

Čačepangre 3:30

Oun yaake his i Israelitarya ap kava dives zorleder har i Moabarya. Oun 80 (orhta-deesh) bersha his kek kourepen an o them.

Čačepangre 4:1

Oun har o Ehoud moulo his, kran i Israelitarya pale, hoy čilačo his glan i yaka o baro Deblestar.

Čačepangre 5:6

An ko tsiro, har o Shamgar djivas, koleskro dad o Anat hi, ninna an ko tsiro, har i Yael djivas, his kek mensho ap i dromma, oun kolla, kay ap kol bare dromma vin djans, hounte djans čorrhanes, ap tikne khatemen dromma.

Čačepangre 5:8

Mire menshe rodan penge vavar debla! Kote vas o kourepen glan lengre voudya. Oun pash 40.000 (star-deesh-zerya) morsha an Israel vas kek rharo hatslo, vitar kek shilto.

1. Samuel 12:9

Yon bistran pengro baro Debles. Oun yob das len an i vasta kolendar, kay kouran pen lentsa: o Sisera, ko pralstouno lourdo o forestar Hazor, i Filistarya, oun o ray pral o them Moab.

1. Samuel 17:47

Oun ninna hakeno, kay kate hi, kova dikell oun hayvell, te hounte vell o baro Debles kek rharo oun kek vitsepaskro čouri, te lell lo peskre menshen dran o merepen vin. Yob hi o zorleder oun dell t'men an mare vasta.”

1. Samuel 17:50

Yaake his o David o zorleder. Oun les his kokres i vitsepaskri oun i bar. Oun leskro bar tapras o Goliates oun das les moulo. O Davides his kek rharo an peskro vast.

1. Samuel 4:1

An ko tsiro van i Filistarya khetne te kourenn le pen i Israelentsa. Oun o Israel djas vin an o kourepen lentsa. Oun i Israelitarya his tardo pash Eben-Eser, oun i Filistarya pash o foro Afek.