Čačepangre 21:19 - O Debleskro Lab 2024 (Sinte-Manouche)

¹⁹ Oun yon penan penge: “Hako bersh hi i baro rhapen an o foro Shilo, kay venn i menshe khetne te sharenn le o baro Debles.” [Shilo hi čiddo ap i servi rig o forestar Betel, oun ap i čači rig o forestar Lebona, pash ko drom, kay djal dran Betel an o foro Sichem, ap koy rig ko dromestar, kay o kham pre djal.]

O Debleskro Drom 2021 (Sinte)

¹⁹ Un jon penan penge: “Hako bersh hi i baro chapen an o foro Shilo, kai wenn i menshe khetne te sharenn le o baro Debles.” [Shilo hi tchiddo ap i serwi rig o forestar Betel, un ap i tchatchi rig o forestar Lebona, pash ko drom, kai djal dran Betel an o foro Sichem, ap koi rig ko dromestar, kai o kham pre djal.]

Čačepangre 21:19 ပူးပေါင်းရင်းမြစ်များ

Debleskri gili 81:3

Givenn leske Debleskre gilya! Denn ap i pauka! Bashrenn ap i doryengre bashepangre!

3. Mose 23:10

Pen ap i Israelitarya: Te venn an ko them, hoy me t'men dau, oun t'mer činenn o nevo djob tele oun pandenn les khetne, palle anenn ko ersto pandepen nevo djob glan o rashayeste.

3. Mose 23:2

Pen ap i Israelitarya: Kalla hi i bare divessa, kay venn t'mer khetne, te vell o baro Devel sharedo.

3. Mose 23:34

Pen ap i Israelitarya: An o eftato čon hi kol bare divessa, kay djivenn t'mer an patyengre khera efta divessa, te vell o baro Devel sharedo. Ko ersto dives hi o 15. (deesh-te-pančto) dives an kava čon.

3. Mose 23:4

Kalla hi i bare divessa, kay venn t'mer khetne, te vell o baro Devel sharedo. Denn kal divessa vin gole ap pengro tsiro.

3. Mose 23:6

Oun o 15. (deesh-te-pančto) dives ninna an ko čon, hi ko ersto dives kol divessa, kay hounte rhan kek maro dran shoutlo yarro. Efta divessa rhan t'mer kek maro, an koleste shoutlo yarro hi.

4. Mose 10:10

Phourdenn ninna an i phourdepangre ap kol bare divessa, kay han t'mer barhtelo, oun ap ko dives, kay vell i nevo čon, oun kay t'mer o baro Debleske firhen anenn, save, hoy t'mer leske tseles rhačrenna oun save, hoy rhan t'mer glan leste khetne. Palle venn t'mer mange, t'maro Debleske, an o shero. Me hom t'maro baro Devel.

4. Mose 28:16

Ap o deesh-te-starto dives an o ersto čon hi ko dives, hoy hi o baro Debleske, oun hoy kharell Passa.

4. Mose 28:26

Oun ko dives, kay anenn t'mer o baro Debleske ko nevo djobestar, hoy dren anlo vas, ko dives vell t'menge i baro dives, kay venn khetne glan o baro Debleste. Kek boudi hounte krenn t'mer ap ko dives.

4. Mose 29:12

Ap o deesh-te-pančto dives an o eftato čon hounte venn khetne glan o baro Debleste. Kek boudi krenn ap ko dives! Krenn i festo o Debleske efta divessa,

Johanni 5:1

Pal kova his i baro Debleskro dives i biboldenge. Oun o Yezous djas an o foro Yerusalem.

Johanni 7:2

I tikno tsiro glan kol biboldengre bare divessa, hoy kharenna Soukot, penan leskre phrala ap leste: “Ma ač an o them Galilea! Dja an o them Youdea, te dikenn ninna tire mala, havo baro koova tou kreh!

5. Mose 16:1

Denn yak, te bistrenn gar kol bare divessa, kay kharenn Passa! Rikrenn len an o čon Abib, te sharenn t'maro baro Debles! O čon Abib his, kay anas lo t'men rati dran o them Egiptia vin.

5. Mose 16:10

avenn khetne glan t'maro baro Debleste, ap koy platsa, kay yob peske vin rodell, te vell lo kote an-mangedo. Anenn leske kolestar, hoy dren anan, kova, hoy kamenn t'mendar vin dran t'maro vast te dell, yaake har t'maro baro Devel t'mende peskri barht das. Oun avenn barhteles glan leste, t'mer oun t'mare čave, oun t'mare boudepangre oun i Levitarya oun i vi-themarya, kay pash t'mende djivenn, ninna kol čave kek dadeha oun kol djouvyen kolengro rom meras.

5. Mose 16:13

Oun pal i niyal, te dan t'maro tselo djob vin oun anan i drake dren, rikrenn kol bare divessa dren, kay djivenn an patyengre khera. Efta divessa djivenn an lende,

Josua 18:1

Oun i tsele Israelitarya van khetne an o foro Shilo, oun čivan kote o Debleskro plarhteno kheer pre. Ninna te his o them an lengro vast oun yon his ray pral leste,

Čačepangre 18:31

Yon čivan koy figura, hoy o Mika kras, pash pende pre yaake rah, har o Debleskro kheer an o foro Shilo his.

Čačepangre 21:20

Oun ap i Benyaminarya penan le: “Djan koy oun khatrenn t'men mank i drakengre rouka, oun denn yak!

1. Samuel 1:3

Oun ko morsh djas hako bersh vin dran peskro foro, te mangell lo an o foro Shilo o baro Debles an, ko rayes pral o bolepen oun i phoub, oun te anell lo leske i firhes, hoy vell leske maredo. Kote his douy phrala o baro Debleskre rashaya: o Hofni oun o Pinhas. Kolengro dad his o Eli.