Čačepangre 20:42 - O Debleskro Lab 2024 (Sinte-Manouche)

⁴² Oun yon rissran pen krik i Israelendar, te nashenn le an o moulo them, oun van dren lino. Oun ninna kolla, kay o forestar van, van ap lende, yaake te his i Benyaminarya mashkral dren. Glan oun palla van le ap lende.

O Debleskro Drom 2021 (Sinte)

⁴² Un jon rissran pen krik i Israelendar, te nashenn le an o mulo them, un wan dren lino. Un ninna kolla, kai o forestar wan, wan ap lende, jaake te his i Benjaminarja mashkral dren. Glan un palla wan le ap lende.

Čačepangre 20:42 ပူးပေါင်းရင်းမြစ်များ

Ropaskre gilja 1:3

I menshe dran Youda hi pandle boudepangre, hounte boudrenn tel dava, oun djivenn an vavar themma. Ninna kote hounte vell len daar. Halauter, kay len palla lenn, venna oun rikrenn pengro vast ap lengri meen.

Hosea 10:9

O baro Devel penell ap i Israelitarya: T'mare phoure hadan pen pral mande an o foro Gibea. Foun ko tsiro moukan t'mer pale te pale miro drom. Doleske vell an o foro Gibea o kourepen pral kol čilače menshende.

Hosea 9:9

T'maro čilačo koova, hoy krenn, hi yaake djoungelo har kova, hoy vas kerdo an o foro Gibea glan i rah tsiro. Doleske bistrell o baro Devel gar t'mari doosh oun dell t'men t'mari phagi.

Josua 8:15

Oun o Yosua oun i tsele Israelitarya kran, har te vans le lendar dino, oun nashan ap ko drom, hoy an o moulo tato them djal.

Josua 8:24

Oun har i Israelitarya i tsele morshen o rhareha maran, kay lenge dran o foro Ai palla nashan an o divyo them, koy rissran i Israelitarya trouyel oun djan an o foro Ai oun dan kote hakenes moulo o rhareha.