Čačepangre 20:17 - O Debleskro Lab 2024 (Sinte-Manouche)

¹⁷ Oun i morsha dran Israel his 400.000 (star-sheel zerya) lourde, kay nay kourenn o rhareha, lauter čače kourepangre. I Benyaminarya his koy gar pashel.

O Debleskro Drom 2021 (Sinte)

¹⁷ Un i mursha dran Israel his 400.000 (star-sheel serja) lurde, kai nai kurenn o chareha, lauter tchatche kurepangre. I Benjaminarja his koi gar pashel.

Čačepangre 20:17 ပူးပေါင်းရင်းမြစ်များ

1. Familjakro liil 21:5

Oun yob penas o Davideske, har boud morsha koy hi. Oun an o tselo Israel his 1.100.000 (deesh-te-yek-sheel-zerya) morsha, kay hidjran i rharo oun an Youda 470.000 (star-sheel-efta-deesh-zerya) morsha.

4. Mose 26:51

I tsele Israelitarya his khetne 601.730 (shob-sheel-te-yek-zerya-efta-sheel-te-triyanda) morsha.

Čačepangre 20:16

Oun mank kol tsele lourdende his efta-sheel vi-rodede morsha, kay serve-vastengre his. Kolen his vitsepangre oun nay ferdenn yaake mishto i bar, te djas lo hako kopo kote, kay lo hounte djal, ninna te vals kova i bal.

Čačepangre 20:18

Oun i Israelitarya kran pen pre, oun djan an o foro Betel, oun poučan o Deblestar: “Koon mendar hounte djal glan vin, te marell lo pes i Benyaminentsa?” Oun o baro Devel penas: “O Youda djal glan!”

Čačepangre 20:2

400.000 (star-sheel zerya) morsha dran kol deesh-te-douy bare familye, kay venn o Yakobeskre čavendar, van khetne oun kran i tsillo o Debleskre menshendar. Kolla lauter his lourde, kay nay kourenn pen i rhareha.

Čačepangre 20:22

Oun i Israelitarya djan pale pash o foro Betel, rovan oun dan gole glan o baro Debleste bis i rati vas, oun poučan o baro Debles: “Djas mer gomme yek kopo pre, te kouras men mare phralentsa, i Benyaminentsa?” Oun o baro Devel penas: “Ava, djan oun kourenn t'men lentsa!” Koy penas yek ap o vavareste: “Mer hounte das gar pre!” Oun yaake čivan le pen pale pre o marepaske, kote kay le yek dives glan tardo his.

1. Samuel 11:8

Oun o Saul kharas len khetne pash o foro Besek. Kol morsha dran Israel his 300.000 (triin-sheel-zerya) morsha, oun kolla dran Youda 30.000 (triyanda-zerya).

1. Samuel 15:4

Kote das o Saul i Israelengre morshen khetne gole an o foro Telem oun dikas, kitse yon hi. Kolla his 200.000 (douy-sheel-zerya) morsha, kay nashenn, oun 10.000 (deesh-zerya) morsha dran o them Youda.