Čačepangre 2:17 - O Debleskro Lab 2024 (Sinte-Manouche)

¹⁷ Oun ninna ap pengre čačepangre morshende shounan le gar. Na-a, yon vitsran pen glan vavar deblende tele oun mangan len an. Sik djan le tele ko dromestar, hoy lengre phoure djan, kay shounan ap i laba o baro Deblestar. Kova kran yon gar.

O Debleskro Drom 2021 (Sinte)

¹⁷ Un ninna ap pengre tchatchepangre murshende shunan le gar. Na-a, jon witsran pen glan wawar deblende tele un mangan len an. Sik djan le tele ko dromestar, hoi lengre phure djan, kai shunan ap i laba o baro Deblestar. Kowa kran jon gar.

Čačepangre 2:17 ပူးပေါင်းရင်းမြစ်များ

Debleskri gili 106:39

oun kran pen pale-čiddo koleha, hoy yon kran, oun peran o baro Debleskro dromestar tele.

Debleskri gili 106:43

Boud kope las lo len dran lengre vasta vin. Oun pale te pale kran le kova, hoy rhoyras les, oun moukan gar tele pengro čilačo koova, oun van boud oun boudeder koy dren.

Debleskri gili 73:27

Koon toutar krik djal, djal tele. Oun koon moukell tout, koles aneh an o moulengro them.

2. Mose 32:8

Sik djan le ko dromestar tele, kay me sikrom lende. Yon kran penge i devel, – i terno gouroum, – oun mangan les an, maran firhen leske oun penan: Kava hi tiro Devel, Israel, kova, kay anas tout dran o them Egiptia vin.”

Jeremia 3:6

An ko tsiro, kay o Yosia o baro ray his, penas o baro Devel ap mande: Dikal tou, hoy i Israelitarya kran? Yon hi har i djouvel, kay moukas peskro romes, oun djas ap kol tsele berge oun tel hake zenele rouka oun das pes trouyel vavar morshentsa.

Jeremia 6:16

O baro Devel penas lenge: Ačenn tardo ap ko drom, kay t'mer djan! Dikenn oun poučenn pal i phoure dromma! Hatsenn vin, havo drom anell t'menge lačepen! Oun djan kava drom! Palle vell shoukapen an t'mare djia. Yon penan: Kova kamah mer gar te krell.

Hosea 2:2

Palle venn i menshe dran o them Youda oun i menshe dran o them Israel khetne. Oun khetne rodenn le penge yek pralstounes vin, te vell lo o ray pral lende. Oun yon djivenna an o tselo them. Havo baro dives vell ko dives, kay djal yaake, har o lab Yesreel kharell!

3. Mose 17:7

I Israelitarya hounte marenn bouder kek firhen i bengenge, kolenge yon kanna gomme palla nashenn. Ap kova hounte rikrenn le pen, ninna lengre čavenge oun kolengre čavenge oun yaake doureder hako tsireske.

Amos 2:4

O baro Devel penell: I menshe an o them Youda kran pale te pale djoungelo koova. Miro drom oun mire laba his lenge či moldo. Oun yon kran gar, hoy lendar kamom. Yon moukan pen o čačo dromestar tele te anell oun mangan kol rhorhene deblen an, kolen ninna lengre phoure an-mangan. Doleske lenn le pengri phagi, oun khaytenn man gar.

Galatarja 1:6

Mange ačas o rakepen krik, har me shounom, kay t'mer moukan yaake sik o Yezouseskro drom. O Devel das t'men gole, te patsenn ap o Yezous Kristeste, kay his yaake lačo ap t'mende. Oun kanna shounenn t'mer ap menshende, kay kamenn t'men ap i vavar drom te anell.

5. Mose 31:16

O baro Devel penas ap o Mose: “Sik vell o dives, kay mereh. Oun pal tiro merepen moukenn i Israelitarya miro drom, oun nashenn kol deblenge palla ko themestar, an koleste venna. Oun yon djan penge mandar, oun krenn bouder gar, hoy lentsa vin krom.

5. Mose 31:18

Ap ko dives khatrau miro mouy glan lende dran ko tselo čilačo koova, hoy le kran, har mangan le vavar deblen an.

5. Mose 9:12

oun penas ap mande: “Naash, dja sik kay berga tele! Kol menshe, kay tou dran o them Egiptia vin anal, kran i čilačo koova. Sik djan le ko dromestar tele, kay me sikrom lende. Yon kran penge i devel dran sonakay.”

5. Mose 9:16

Oun me dikom, t'mer kran baro čilačepen ap t'maro baro Debleste. T'mer kran t'menge i sonakaskro terno gouroum oun djan sik tele ko dromestar, hoy o baro Devel sikras t'mende, te hounte djan.

Josua 24:24

Oun i tsele menshe penan ap o Yosua: “O baro Debles, kay maro Devel hi, koles kamah an-te-mangell. Oun ap kova, hoy yob penella, kamah mer te shounell.”

Josua 24:31

Oun i Israelitarya mangan o baro Debles an, yaake rah har o Yosua djivas, oun yaake rah, har pal leste kol phoureder djivan, kay ko tselo koova dikan, hoy o baro Devel i Israelenge kras.

Čačepangre 2:7

Oun yon mangan o baro Debles an, yaake rah har o Yosua djivas, oun yaake rah, har pal leste kol phoureder djivan, kay ko tselo baro koova dikan, hoy o baro Devel i Israelenge kras.

Čačepangre 8:33

Oun har o Gideon meras, djan i Israelitarya o Debleskro dromestar tele oun nashan pale kol deblenge palla, kay kharenn Baal. Oun yon kran o debles Baal-Berit pengro devel,

1. Samuel 12:12

Har t'mer dikan, te djal o ray pral i Ammonarya, o Nahash vin, te kourell lo pes t'mentsa, penan t'mer mange: “Mer kamah i baro rayes pral mende”, har te vals o baro Devel gar t'maro baro ray.

1. Samuel 12:17

Kanna hi o tsiro, kay o djob dren anlo vell. T'mer djinenn, kova hi gar o tsiro, kay dell brishin. Oun me dau kanna ap o baro Debleste gole, te bičrell yob brishin oun moukell o bolepen gole te dell. Palle hayvenn t'mer, te his kova, hoy kran, i baro čilačepen glan o baro Debleste, har mangan mandar i baro rayes pral t'mende.”

1. Samuel 12:19

Oun yon penan ap o Samuel: “Mer ham tire boudepangre. Mang menge o baro Debles, kay tiro Devel hi, yaake te hounte meras mer gar. Ap mende hi boud doosh čiddo. Oun kanna kram ninna ko čilačo koova, te mangam menge i baro rayes pral mende.”