Čačepangre 19:3 - O Debleskro Lab 2024 (Sinte-Manouche)

³ Oun kote kras pes lakro rom ap o drom, oun djas lake palla, te rakrell lo lake an o dji, oun lell lat pale pale pash peste. Oun les his peskro boudepaskres oun douy esle pash peste. Oun yoy anas les an o peskro dadeskro kheer. Oun har lakro dad les dikas, djas lo barhteles pash leste,

O Debleskro Drom 2021 (Sinte)

³ Un kote kras pes lakro rom ap o drom, un djas lake palla, te rakrell lo lake an o dji, un lell lat pale pale pash peste. Un les his peskro budepaskres un dui esle pash peste. Un joi anas les an o peskro dadeskro kheer. Un har lakro dad les dikas, djas lo bachteles pash leste,

Čačepangre 19:3 ပူးပေါင်းရင်းမြစ်များ

1. Mose 34:3

Oun yob kamas lat o djiyestar oun rakras lače labentsa ap late.

1. Mose 50:21

Ma darenn! Me dikau ap t'mende oun t'mare čavende.” Yaake rakras yob lače labentsa ap lengre djia.

Jeremia 3:1

O baro Devel penas: Te bičras i morsh peskri romyat krik, oun yoy djal pash i vavar morsheste, nay lell yob lat gar pale. Palle vals ko them pale-čiddo. Tou dal tout trouyel boudentsa, oun kameh pale pash mande te vell?

Hosea 2:14

Me krau lakre drakengre rouka paash, ninna lakre faygetikre rouka, kolendar yoy penas: “Kolentsa playsran man mire pirne.” Me krau i divyo veesh dran lende. Oun kol roukengre, hoy pral ačenn, rhan i divye firhe.

Hosea 2:16

Doleske dik, me kamau lat te tserdell, oun kamau lat an o moulo tato them te anell. Oun kote rakrau kamles lah.

3. Mose 19:17

Te rhoyral tout pral yekeste tire menshendar, ma hidje tiri rholi touha trouyel. Pen leske, hoy lo gar mishto kras, te aness kek doosh ap toute.

3. Mose 20:10

Te sovell yek i romyah i vavarestar, hounte venn kol douy maredo.

4. Mose 22:22

Koy vas o Devel rhoyedo koy pral, kay yob lentsa djas. Oun o bolepaskro o baro Deblestar djas leske an o drom, te rikrell lo les pale. Oun o Bileam his beshdo ap peskri bourika. Oun douy boudepangre djan leha.

Mateo 1:19

O Yosef his i lačo morsh. Oun yob kamas kek ladj ap late anell. Doleske kamas lo lat čorrhanes te moukell.

Johanni 8:11

“Na-a, miro ray, kek hi koy,” penas koy romni. Penas o Yezous: “Yaake kamau me vitar gar, te less i phagi. Dja khere, oun ma an bouder kek doosh ap toute!”

Galatarja 6:1

Mire phrala, nay vell, kay krell yek t'mendar i čilačo koova. Anenn kol menshes pale ap o čačo drom! Rakrenn leha lačes! Yaake sikrenn t'mer, kay djivenn yaake, har o Debleskro Dourho kova kamella. Denn yak ap t'mende, te perenn t'mer gar ninna o Debleskro dromestar tele!

Čačepangre 15:1

Pal i tsiro, an kol divessa, kay anan le o djob dren, djas o Simson pash o kheer, kay leskri romni hi, oun anas lake i terni bouzni peha. Oun yob penas: “Me kamau pash miri romyate an lakri isema.” Oun lakro dad moukas les gar,

Čačepangre 19:2

His i dives, kay moukas li peskro romes, oun nashas lestar pash peskro dadeste an o foro Betlehem an o them Youda, oun his kote star čonna.

Čačepangre 19:26

Oun yoy vas oun peras tele glan o voudar, kay lakro ray his. Oun yoy his koy čiddo, bis o kham pre djas.

Čačepangre 19:4

oun kamas gar te djal lo sik pale, oun rikras les triin divessa pash peste. Oun yon rhan oun piyan, oun ačan kote pral i rat.