Čačepangre 19:21 - O Debleskro Lab 2024 (Sinte-Manouche)

²¹ Oun yaake las lo les peha an peskro kheer, oun das leskre eslenge rhapen. Oun yon thovan pengre herya, oun rhan oun piyan.

O Debleskro Drom 2021 (Sinte)

²¹ Un jaake las lo les peha an peskro kheer, un das leskre eslenge chapen. Un jon thowan pengre herja, un chan un pijan.

Čačepangre 19:21 ပူးပေါင်းရင်းမြစ်များ

1. Mose 18:4

T'menge vell pani anlo, te thovenn t'mare herya. Oun beshenn t'men tel ko rouk!

1. Mose 43:24

Oun ko rom anas len an o Yosefeskro kheer oun das len pani, te thovenn le pengre herya, oun das lengre bouriken te rhal.

2. Samuel 11:8

Oun o David penas ap o Uriya: “Dja tele an tiro kheer, oun thob tire herya!” Oun o baro ray das les čomone peha, hoy leske pal hidjedo vas, har o Uriya dran o baro rayeskro kheer djas.

Louka 7:44

Oun o Yezous rissras pes trouyel, dikas ap koy djouvyate, oun penas ap o Simoneste: “Dik ap koy djouvyate, oun ap kova, hoy yoy mange kras! Me vom an tiro kheer. Oun tou dal man kek pani, te nay thovom mire pire. Lakre sva kran mire pire sapenes, oun yoy khossas len peskre ballentsa.

1. Timoteo 5:10

Vavar menshe hounte dikenn ap late, te kras li lačo koova, oun te tserdas li peskre čaven mishto pre. Yon hounte dikan, te las li menshen pash peste pre, oun te thovas li i patslenge i herya. Yon hounte dikan, te his li kolenge koy, kolen i pharo djipen hi, oun te kras li hako lačo koova.

1. Samuel 25:41

Kote stas li pre, oun vitsras pes tele ap peskro mouy ap i phoub oun penas: “Me hom leskri boudepaskretsa oun kamau te thovap i herya i boudepangrendar miro rayestar.”