Čačepangre 19:19 - O Debleskro Lab 2024 (Sinte-Manouche)

¹⁹ Oun men hi phouss oun rhapen mare eslenge, oun ninna maro oun mool mange oun miri djouvyake oun ko boudepaskres, kay pash mande hi. Tou dikeh, men hi lauter rhapaske, hoy men hounte vals.”

O Debleskro Drom 2021 (Sinte)

¹⁹ Un men hi phuss un chapen mare eslenge, un ninna maro un mool mange un miri djuwjake un ko budepaskres, kai pash mande hi. Tu dikeh, men hi lauter chapaske, hoi men hunte wals.”

Čačepangre 19:19 ပူးပေါင်းရင်းမြစ်များ

1. Mose 24:25

Men hi doha phouss oun firhengro rhapen. Ninna i čiben, te nay sovenna pash mende.”

2. Mose 5:7

“Denn len bouder kek phouss, te čivenn le kova an koy čik, kolatar yon barra rhačenna! Moukenn len ko phouss penge kokres khetne te čivell!

Bičepangre 10:23

Oun o Petro moukas len an o kheer te vell, oun das len i isema, te ačenn le kote. O vavar dives djas yob lentsa an o foro Cesarea. Oun vavar patsle dran o foro Yoppe djan ninna leha.

Bičepangre 16:15

Oun yoy moukas pes peskre menshentsa te taufrell, oun mangas men zoreles oun penas: “Te patsenn t'mer, kay me ap o rayeste, o Yezouseste patsau, avenn an miro kheer oun ačenn kote!” Oun yoy mangas men o tselo djiyestar, te vas mer an lakro kheer.

Čačepangre 19:11

Oun har i rati vas, penas ko boudepaskro ap peskro ray: “Djas an kava foro, kay i Yebousarya djivenn, te ačas koy pral i rat.”

Čačepangre 19:18

Oun yob penas ap leste: “Mer ham ap o drom dran o foro Betlehem an Youda, oun kamah dour an i berge Efrayim te djal, kay khere hom. Oun me djom tele an o foro Betlehem an o them Youda. Oun djau kanna pale an miro kheer. Oun kate an kava foro dell kek, kay man an peskro kheer pre lals, na-a, kek.