Čačepangre 19:17 - O Debleskro Lab 2024 (Sinte-Manouche)

¹⁷ Oun har yob pre dikas, dikas lo ko morsh ap i platsa. Oun ko phouro morsh poučas: “Kay veh tou? Oun kay djah tou?”

O Debleskro Drom 2021 (Sinte)

¹⁷ Un har job pre dikas, dikas lo ko mursh ap i platsa. Un ko phuro mursh putchas: “Kai weh tu? Un kai djah tu?”

Čačepangre 19:17 ပူးပေါင်းရင်းမြစ်များ

1. Mose 16:8

Oun o bolepaskro poučas latar: “Hagar, tou i Sarayakri boudepaskretsa, kay veh tou oun kay djah tou?” Penas yoy: “Me nashom mange miri ranyatar Saray.”

1. Mose 32:17

Oun yob das len peskre boudepangrende an o vast oun penas ap lende: “Djan glan mande, yek pal o vavareste leskre firhentsa! Moukenn i kotar drom mank hakeneste!”

2. Samuel 12:4

Har pash ko braveleste yek vas, kamas lo gar yek peskre bakrendar te marell, vitar gar yek peskre groumyendar, te krell lo koleske čomone te rhal, kay pash leste vas. Na-a! Yob las ko bakro ko čorvelestar, oun kras koleske i rhapen, kay vas pash leste.”

Jesaja 33:8

I dromma hi vi-meredo, oun kek djal bouder gar koy. Kolla, kay vin kran, te rikrenn le khetne, rikrenn gar pengro lab. Oun ap kolende, kay koy pashel his, har kova vin kerdo vas, vell gar shounlo. I menshengro djipen hi lenge či moldo.

Jeremia 14:8

Ap toute dikenn i Israelitarya, te vess ap lengri rig, oun leh len vin dran kay bibarht. Hoske kreh tou, har te vals i vi-themari an maro them, oun har yek, kay ačell yek rati oun djal palle doureder?

Čačepangre 19:16

Koy vas i phouro morsh khere foun peskri boudi ap peskri harhetikri phoub. Oun ko morsh his ninna dran i berge Efrayim oun his i vi-themari an o foro Gibea. I vavar menshe an kava foro his Benyaminarya.

Čačepangre 19:18

Oun yob penas ap leste: “Mer ham ap o drom dran o foro Betlehem an Youda, oun kamah dour an i berge Efrayim te djal, kay khere hom. Oun me djom tele an o foro Betlehem an o them Youda. Oun djau kanna pale an miro kheer. Oun kate an kava foro dell kek, kay man an peskro kheer pre lals, na-a, kek.