Čačepangre 18:29 - O Debleskro Lab 2024 (Sinte-Manouche)

²⁹ Oun yon dan ko fores o lab Dan, yaake har lengro phouro dad kharas, koleskro dad o Israel his. Glan kova kharas ko foro Layish.

O Debleskro Drom 2021 (Sinte)

²⁹ Un jon dan ko fores o lab Dan, jaake har lengro phuro dad kharas, koleskro dad o Israel his. Glan kowa kharas ko foro Lajish.

Čačepangre 18:29 ပူးပေါင်းရင်းမြစ်များ

1. Mose 14:14

Har o Abram shounas, kay leskro phraleskro čavo pandlo oun krik anlo vas, kharas yob peskre morshen. Les his 318 (triin-sheel-deesh-te-orhta) čače morsha, kay pash leste boldo van. Kolentsa tradas yob i star bare rayen oun lengre lourden bis pash ko foro Dan.

1. Mose 30:6

Koy penas i Rachel: “O Devel das man miro čačepen. Yob shounas ap miri gole oun das man i čavo.” Dran kova das les li o lab Dan.

1. Mose 32:28

Koy poučas lestar ko morsh: “Har khareh tou?” “Yakob”, penas yob.

2. Samuel 17:11

Doleske penau touke: Le touke kol tsele morshen dran Israel khetne mank Dan oun Beersheba. Kolla hi yaake boud har i santa pash o baro pani. Kolentsa djas tou touke an o kourepen.

1. Rajengro liil 15:20

Kote shounas o Ben-Hadad ap o baro rayeste Asa, bičras peskre lourden pengre pralstunentsa, te kourenn le pen i foryentsa an o them Israel. Oun yon lan kol forya Iyon, Dan oun Abel-Bet-Maaka dren, koy pashel o tselo them Génésareth oun o tselo them Naftali.

Jeremia 8:16

Kolla, kay kamenn te kourenn pen mentsa, hi pash o foro Dan tardo. Foun kotar shounah koy gole lengre grayendar. O tselo them trissell koy golyatar hoy i graya denn. Yon venna oun rhan ko tselo them pre, lauter, hoy ap ko them hi, kol forya oun lauter, hoy koy dren djivella.

5. Mose 34:1

Oun o Mose djas dran o telstouno them, kay i Moabarya djivenn, oun djas pre ap i berga Nebo, bis pral pre ap ko pralstouno kotar, hoy kharell Pisga oun hi čiddo ap i vavar rig o forestar Yericho. Oun o baro Devel moukas les kote o tselo them te dikell: o them Gilead oun doureder pre bis pash o them Dan,

Josua 19:47

I menshe dran o kheer Dan nay rikran pengro them gar. Doleske djan le pre oun kouran pen o foreha Leshem, oun lan les dren oun maran i menshen kote. Palle djivan le kote, oun dan o fores Leshem o lab Dan pal pengro phouro dadeste.

Čačepangre 18:7

Oun kol panč morsha djan doureder oun van an o foro Layish. Oun yon dikan i menshen, kay koy his. Kolla djivan kek daryah, yaake har i Sidonarya ninna djivan, kek daryah oun kek kourepah. Oun an o tselo them his kek, kay dals len trad oun rikrals len tele. Oun yon his dour krik o forestar Sidon. Oun či oun kek his penepaske pral lende.

Čačepangre 20:1

Oun i tsele morshenge dran Israel his mishto, te venn le khetne glan o baro Debleste an o foro Mispa. Yon van dran o tselo them, hake rigyendar kotar pral, kay i menshe Dan djivenna bis tele pash o foro Beersheba, oun koy pashel dran o tselo them Gilead.