Čačepangre 18:27 - O Debleskro Lab 2024 (Sinte-Manouche)

²⁷ Yaake lan le kava koova pentsa, hoy o Mika peske kras, oun koy pashel leskro rashayes. Oun yon van pash o foro Layish oun peran pral kol menshende, kay kote kek daryah oun kek kourepah djivan. Oun yon dan len o rhareha moulo. Oun o foro rhačran le pre.

O Debleskro Drom 2021 (Sinte)

²⁷ Jaake lan le kau koowa pentsa, hoi o Micha peske kras, un koi pashel leskro rashajes. Un jon wan pash o foro Lajish un peran pral kol menshende, kai kote kek darjah un kek kurepah djiwan. Un jon dan len o chareha mulo. Un o foro chatchran le pre.

Čačepangre 18:27 ပူးပေါင်းရင်းမြစ်များ

1. Mose 49:16

O Dan dell yak, te vell o čačepen dren rikedo pash peskre menshende. Doleske sharenn les leskre phrala an Israel.

5. Mose 33:22

Pral o kheer Dan penas lo: O Dan hi i terno levo, kay vin stell dran peskro khatepen an Bashan.

Josua 11:11

Oun lauteren, kay koy dren his, dan le o rhareha moulo, oun moukan kekes te djivell. Oun o foro Hazor rhačran le pre.

Josua 19:47

I menshe dran o kheer Dan nay rikran pengro them gar. Doleske djan le pre oun kouran pen o foreha Leshem, oun lan les dren oun maran i menshen kote. Palle djivan le kote, oun dan o fores Leshem o lab Dan pal pengro phouro dadeste.

Čačepangre 18:10

T'mer hatsenn kote menshe, kay darenn gar, te vell yek pral lende. Oun o them hi bourhlo pal hake rigya. Ava, o Devel das les an t'maro vast, i them an koleste lauter hi, hoy ap i phoub dell.”

Čačepangre 18:26

Yaake djan i Danarya pengro drom. Oun har o Mika dikas, te hi yon zorleder har yob, rissras lo trouyel, oun djas pale khere.

Čačepangre 18:7

Oun kol panč morsha djan doureder oun van an o foro Layish. Oun yon dikan i menshen, kay koy his. Kolla djivan kek daryah, yaake har i Sidonarya ninna djivan, kek daryah oun kek kourepah. Oun an o tselo them his kek, kay dals len trad oun rikrals len tele. Oun yon his dour krik o forestar Sidon. Oun či oun kek his penepaske pral lende.

Čačepangre 8:11

Oun o Gideon djas ko drom, kay kolla djan, kay an plarhtene khera djivenn. Ko drom djal pash i forya Noba oun Yogboha, ap koy rig, kay o kham pre djala. Oun yob peras pral i lourdende dran Midian kote, kay yon beshde hi, an ko tsiro, kay daran le gar, te merenn le.