Čačepangre 18:20 - O Debleskro Lab 2024 (Sinte-Manouche)

²⁰ Kote stas o rashayeskro dji i barhtyatar. Oun yob las o rashayeskri damdira, oun o khereskro devel oun i figura dran kasht oun roup, oun djas kol morshentsa.

O Debleskro Drom 2021 (Sinte)

²⁰ Kote stas o rashajeskro dji i bachtjatar. Un job las o rashajeskri damdira, un o khereskro dewel un i figura dran kasht un rup, un djas kol murshentsa.

Čačepangre 18:20 ပူးပေါင်းရင်းမြစ်များ

Gosewe laba 30:15

Hi menshe koy, kay hi har ko kirmo, hoy o rat piyell. Koles hi douy ča. Kolla kharenna: “De kay! De kay!” Triin hi koy, kay gar čalo venn, oun star penenn an kek tsiro: “Kanna hi man doha”:

Jesaja 56:11

Boud rhapen kamenn le, oun lenn gar doha. Yaake hi kolla, kay ap mire menshende yak denn. Yon hayvenn či, hakeno dikell ap peste kokres, oun rodell, har nay anell lo peskre love khetne.

Ezekiel 13:19

T'maro dourkepah anenn t'mer ladj ap mande glan mire menshende, te lenn i vast pherdo djob oun i kotar maro. Mire menshenge penenn t'mer rhorhene laba. Oun yon kamenn te shounell ap rhorhepen. T'maro rhorhepah anenn t'mer save menshen an o merepen, kay hounte merans gar, oun krenn, te ačenn save djido, kay hounte merans.

Ezekiel 21:21

Tou rharo, de dren ap i čači rig, oun ninna ap i servi rig, hako kopo glan toute, kote, kay hal!

Hosea 4:3

Doleske troushell o them, oun i menshe merenn; ninna i divye firhe, i čirkle oun i mače hounte merenn.

3. Mose 26:1

Ma krenn t'men rhorhene deblen, vitar kek figure oun pre-čiddo barra, oder barra an kolende i shero dino hi, te mangenn len an! Me, o baro Devel, hom t'maro Devel.

Bičepangre 20:33

T'mer djinenna: Me mangom kekestar t'mendar čomone: kek sonakay, kek roup, kek an-ripaske. Mire vastentsa boudrom, te vell man oun kolen, kay pash mande hi, te rhal.

Filiparja 3:19

Yon djan ap i drom, kay djan le nashedo. Lengro per hi lengro Devel. Yon sharenn ko djoungelo koova, hoy kran le, oun hounte ladjans pen pral kova. Kova, hoy an lengro shero trouyel djala, hi phoubyakro koova.

2. Petro 2:3

Kol rhorhene sikepangre kamenn t'men rhorhene labentsa ap pengri rig te anell, te lenn le love t'mendar. O Debleskri rholi vell čačepah pral lende, oun lengri bibarht vella sik.

Čačepangre 17:10

Koy penas o Mika ap leste: “Ač pash mande, oun ab miro rashay oun pen mange, hoy o Devel mandar kamell. Oun me dau tout koleske an o bersh deesh roupene love, ninna kova, hoy an-ripaske tout hounte vell, oun rhapen oun pipen.”

Čačepangre 18:19

Oun yon penan ap leste: “Ač, rig tiro mouy, oun ab mentsa! Oun ab maro rashay oun pen menge, hoy o devel mendar kamella! Hi touke gar feteder te vess rashay i bari familyake an Israel, har te vess rashay an o kheer yek morsheske?”

Čačepangre 18:21

Oun yon rissran oun djan doureder, oun moukan pengre čaven oun pengre firhen glan pende te djal, lauter hoy kouč lenge his.