Čačepangre 16:30 - O Debleskro Lab 2024 (Sinte-Manouche)

³⁰ Oun o Simson das gole: “Me merau i Filistarentsa!” las peskri tseli zoor khetne oun vitsras kol barra trouyel. Oun kote peras ko tselo kheer pral kol i Filistarya oun lengre rayende khetne. Yaake his kolen, kay yob peha an o merepen las, boudeder har kolen, kay yob an peskro djipen maras.

O Debleskro Drom 2021 (Sinte)

³⁰ Un o Simson das gole: “Me merau i Filistarentsa!” las peskri tseli soor khetne un witsras kol barra trujel. Un kote peras ko tselo kheer pral kol i Filistarja un lengre rajende khetne. Jaake his kolen, kai job peha an o merepen las, budeder har kolen, kai job an peskro djipen maras.

Čačepangre 16:30 ပူးပေါင်းရင်းမြစ်များ

1. Mose 3:15

Tou oun koy romni, t'men hi rholi yek ap o vavareste. Ninna tire čaven hi rholi ap lakre čavende. Oun lakre čaven hi rholi ap tire čavende. Yek lakre čavendar stakrell tiro shero khetne. Oun tou dandreh les an leskri heri.”

Hiob 20:5

vell koy barhteli gole kol čilačendar kokres i tikno tsiro shounlo. Oun koy barht kolestar, kay kamell či o Deblestar te djinell, djal sik trouyel.

Hiob 31:3

Pral i čilačo vell bibarht, oun koleske, kay krell djoungelo koova, djal či mishto.

Debleskri gili 62:3

Yob hi mange har i baro zorelo kheer ap i barreskri berga, kay man khatrau, oun yob ap mande yak della, yaake te perap gar.

Sikepaskro 9:12

Ninna djinell o mensho peskro tsiro gar, oun vell tapedo an o čilačo tsiro, hoy ap yek kopo pral leste perell, yaake har i mače tapedo venn an i netsa, oun i čirkle an pandle dorya.

Mateo 16:25

Koon peskro djipen zoreles kamella, kova nashrell les. Koon peskro djipen mange nashrella, lell les mandar pale.

Bičepangre 20:24

Me dau či bouder ap miro djipen. Yek koova kamau me an miro djipen te krell: Me kamau koy boudi te krell, hoy das man maro ray Yezous: Yob penas mange, te penap i menshenge, har lačo o Devel lenge hi, oun har kras yob i drom, te nay venn le pash leste.

Bičepangre 21:13

O Paulo penas: “Hoske rovenn t'mer, oun krenn mange miro dji pharo? Me kamau koy boudi te krell, hoy o ray Yezous man das, ninna te pandenn le man i shellentsa, ninna te marenn le man an o foro Yerusalem.”

Filiparja 2:17

Me anom t'men ap o Debleskro drom. Doleske hom me glan leste tardo har i rashay, kay anell leske t'maro patsepen. Ninna te meroms pash miri boudi o Yezous Kristeske, hom me kanna barhtelo t'mentsa khetne pral t'maro patsepen.

Filiparja 2:30

Har t'mer van nay gar pash mande, his yob mange koy, oun leskro djipen his leske gar boud moldo. Leskri boudi o Yezous Kristeske anas les pash o merepen.

Filiparja 2:8

oun shounas ap leste, oun moukas, te van i menshe ray pral leste, oun maran les, oun dan les ap o troushel.

Kolossarja 2:15

Oun i raya oun lauter, kolen hi penepaske mashkral o bolepen oun i phoub, kolla nashran pengri zoor, har o Yezous Kristo ap o troushel meras. Kote sikras o Devel glan lauterende, kay hi o Yezous Kristo zorleder har yon.

1. Tessalonikarja 5:2

T'mer djinenna, o ray Yezous vella har i čorepaskro an i rati.

Čačepangre 14:19

Oun o baro Debleskro dourho vas pral leste. Oun yob djas tele an o foro Ashkelon oun das triyanda morshen lendar moulo, oun rivas len vin, oun das kol koola kolen, kay leske penan, hoy peskre laba kaman te penell. Oun bari rholyah djas lo pale an peskro dadeskro kheer.

Čačepangre 15:15

Oun yob hatsas i mouyeskro kokalo i mouli eslatar, las les an o vast oun das leha 1.000 (yek zero) morshen moulo.

Čačepangre 15:8

Oun yob das len zoreles khetne, oun djas tele oun djivas an koy barrengri grotta pash Etam.

Čačepangre 16:29

Palle tapras o Simson ap kol pre-čidde barra, mashkral lende yob tardo hi, kolla, hoy o tselo kheer hidjrenn. Oun čivas peskro čačo vast ap kol čače barra oun peskro servo vast ap kol serve barra.

Čačepangre 16:31

Oun leskre phrala oun i tsele morsha dran leskro dadeskro kheer van koy tele, oun hadan les pre oun anan les pre oun paskran les an o moulengro kheer peskro dadestar Manoa, hoy čiddo hi mashkral i forya Zora oun Eshtaol. O Simson his biish bersha o čačepaskro ray pral o Israel.