Čačepangre 16:25 - O Debleskro Lab 2024 (Sinte-Manouche)

²⁵ Oun har lengre djia barhteles his, penan le: “Anas mer o Simsones kay! Yob krell menge dinelo koova, te nay sanas pral leste!” Oun yon lan o Simsones dran o stilepen. Oun yob hounte kras dinelo koova, te nay san le pral leste. Oun yon čivan les kote, kay serves oun čačes lestar bare barra yek ap o vavareste pre-čidde his, te hidjrenn le o kheer.

O Debleskro Drom 2021 (Sinte)

²⁵ Un har lengre djia bachteles his, penan le: “Anas mer o Simsones kai! Job krell menge dinelo koowa, te nai sanas pral leste!” Un jon lan o Simsones dran o stilepen. Un job hunte kras dinelo koowa, te nai san le pral leste. Un jon tchiwan les kote, kai serwes un tchatches lestar bare barra jek ap o wawareste pre-tchidde his, te hidjrenn le o kheer.

Čačepangre 16:25 ပူးပေါင်းရင်းမြစ်များ

2. Samuel 13:28

O Absalom penas ap peskre lourde: “Denn yak! Te piyas pes o Amnon mato, oun te penau me ap t'mende: Denn o Amnones khetne! palle denn les moulo! Ma trashenn! Me penom t'menge, te krenn kova. Avenn čače morsha oun krenn kova kek trashah!”

1. Rajengro liil 20:12

Har kova o Ben-Hadad shounas, – yob oun kol vavar raya his beshdo pash o pipen an pengre plarhtene khera – koy penas yob ap peskre lourdende: “Djan ap lende pre!” Oun yon čivan pen pre tardo, te kourenn le pen o foreha.

Ester 1:10

Oun ap o eftato dives his o baro rayeskro dji barhteles boud molyatar. Oun yob kamas i rayenge oun i tsele menshenge peskri romyat, i rani Vasti, te sikrell, kay yaake shoukar his. Oun yob rakras kol efta pralstunentsa, kay ninna pral o djouvyengro kheer penepaske hi: o Mehouman, o Biseta, o Harbona, o Bigta, o Abagta, o Setar oun o Karkas. Lenge penas lo, te anenn le i rani, oun te hidjrell li peskro shereskro sonakay.

Ester 3:15

Oun kol naashepangre djan sik vin, yaake har o baro ray penas. Oun an o zorelo kheer an o foro Susa vas ko liil kote ap i kasht dino, kay nay dikell les hakeno. Oun o baro ray oun o Haman beshan pen tele, te rhan oun piyenn le. O tselo fores Susa tapras i daar.

Debleskri gili 69:12

Har rivom i gono an, te sikrap har pharo miro dji hi, kran le i sapaskri gili pral mande.

Debleskri gili 69:26

Mou vell koy platsa paash dino, kay lengre plarhtene khera tardo hi, te djivell bouder kek mensho koy.

Jesaja 22:13

Oun hoy krenn t'mer? T'mer sanenn oun khelenn, marenn groumyen oun bakren, rhan mass oun piyenn mool. T'mer penenn: “Moukenn men te rhal oun te piyell, taysar merah mer!”

Mateo 27:29

Oun yon pandan soubyengre kashta khetne, oun čivan len leske ap o shero, yaake har i baro ray hidjrell shereskro sonakay ap peskro shero. Ninna čivan le leske i kasht an leskro čačo vast. Oun yon moukan pen glan leste ap i čanga te perell, oun kran yaake, har te mangans le i baro rayes an. Yon san pral leste, oun penan: “Sharedo vess tou, tou baro ray pral i bibolde!”

Hebrearja 11:36

Vavar van praasedo, oun van i čoupniyah dino. Vavar van i sasterne shellentsa pandlo, oun an o stilepen vitsedo.

Čačepangre 16:24

Oun har i Filistarya o Simsones dikan, sharan le pengro debles oun givan: Maro devel das koles an maro vast, kay menge čilačepen kras, koles, kay maro them khetne das, oun boud mendar maras.

Čačepangre 16:26

Oun o Simson penas ap ko čaveste, kay les ap o vast las: “Mouk man kal barra an taprell, ap kalende o tselo kheer pre tardo vas, yaake te nay rikrap man ap lende.”

Čačepangre 18:20

Kote stas o rashayeskro dji i barhtyatar. Oun yob las o rashayeskri damdira, oun o khereskro devel oun i figura dran kasht oun roup, oun djas kol morshentsa.

Čačepangre 19:6

Oun kol douy beshan pen oun rhan oun piyan khetne. Oun o dad koy terni djouvyatar penas ap ko morsheste: “Kre mange ko lačepen, oun ač kay pral i rat, oun mouk tiro dji barhteles te vell.”

Čačepangre 19:9

Oun palle stas ko morsh pre, te djal lo peske peskri djouvyah oun peskro boudepaskro. Oun o dad koy terni djouvyatar penas ap leste: “Dik, o kham djal tele oun i rati vella. Ač pral i rati, oun mouk tiro dji barhteles te vell. Oun taysar stenn sik pre oun djan khere!”

Čačepangre 9:27

Oun yon djan vin an i drakengre themma oun anan i drake dren, oun anan len koy, kay le mool lendar krenn. Palle van le barhteles khetne oun djan an pengro debleskro kheer oun rhan oun piyan, oun praasan o Abimelekes.