Čačepangre 16:19 - O Debleskro Lab 2024 (Sinte-Manouche)

¹⁹ Oun yoy moukas o Simsones an lakri gali dren te sovell, oun das pal yekeste gole, kay leske i efta tsopfe tele činas. Oun yaake kras li les tiknes. Oun leskri zoor djas peske lestar.

O Debleskro Drom 2021 (Sinte)

¹⁹ Un joi mukas o Simsones an lakri gali dren te sowell, un das pal jekeste gole, kai leske i efta zopfe tele tchinas. Un jaake kras li les tiknes. Un leskri soor djas peske lestar.

Čačepangre 16:19 ပူးပေါင်းရင်းမြစ်များ

Sikepaskro 7:26

Oun me hatsom čomone, hoy shoutleder hi har o merepen, – i djouvel, kay i morshen taprell; kolakro kamlepen hi har dorya, kolentsa len pandell li; lakre moussya, hoy le troul lende čivell hi har shelle. I morsh, kay mishto hi glan o Debleskre yaka, kova nay nashell peske latar; o dinelo vell latar tapedo.

Čačepangre 16:18

Oun har i Delila dikas, te penas lo lake halauter, kote moukas li pal kol raya pral i Filistarya te bičrell, oun moukas lenge te penell: “Avenn gomme yek kopo kay! Yob penas mange halauter.” Kote van yon pash late, oun anan kol love lake pentsa.

Čačepangre 16:20

Oun yoy penas ap leste: “Filistarya hi pral toute Simson!” Kote stas lo dran peskro sopen pre. Oun penas peske: “Me vau krik har hako vavar kopo ninna. Me nay tserdau kol dorya mandar krik.” Yob djinas gar, te djas peske o baro Devel lestar.