Čačepangre 16:18 - O Debleskro Lab 2024 (Sinte-Manouche)

¹⁸ Oun har i Delila dikas, te penas lo lake halauter, kote moukas li pal kol raya pral i Filistarya te bičrell, oun moukas lenge te penell: “Avenn gomme yek kopo kay! Yob penas mange halauter.” Kote van yon pash late, oun anan kol love lake pentsa.

O Debleskro Drom 2021 (Sinte)

¹⁸ Un har i Delila dikas, te penas lo lake halauter, kote mukas li pal kol raja pral i Filistarja te bitchrell, un mukas lenge te penell: “Awenn gomme jek kopo kai! Job penas mange halauter.” Kote wan jon pash late, un anan kol lowe lake pentsa.

Čačepangre 16:18 ပူးပေါင်းရင်းမြစ်များ

1. Rajengro liil 21:20

Kote penas o Ahab ap o Eliya: “Hatsal man pale, tou, kay kameh mange čilačepen?” Kote penas lo: “Ava, me hatsom tout! Tou bikral tout, te kress kova, hoy glan i yaka o baro Deblestar čilačo hi.

Debleskri gili 62:9

Dikenn ap leste hako tsiro, t'mer, leskre menshe! Čorenn t'mare djia vin glan leste! Pash o Debleste nay khatrah men.

Gosewe laba 18:8

Te shounah djoungelo rakepen pral i vavarende, hi kova menge har shoukar rhapen, oun djal menge tele har djet.

4. Mose 22:7

Oun i phoureder kol menshendar Moab oun Midian djan khetne pash o Bileam. Oun love his an lengre vasta o dourkepaske. Oun yon van pash leste, oun penan leske kol laba, hoy o Balak penas.

Mateo 26:15

oun poučas lendar: “Kitse love denn man t'mer, te dau les an t'mare vasta?” Oun yon dan les triyanda roupene beme.

Efesarja 5:5

T'mer hounte djinenn: An o bolepen, kay hi o Yezous Kristo oun o Devel i raya, kote venn kek morsha dren, kay sovenn vavar djouvyentsa, vitar kek djouvya, kay sovenn vavar morshentsa, vitar kek, kay krell djoungelo koova, vitar kek, kay nashell pal i love. Kova, kay nashell pal i love, koleske hi o bravlepen peskro devel.

1. Timoteo 6:10

Koon pal i love hi, perell an hako čilačepen. His menshe koy, kay kaman i love yaake boud, kay peran le o Debleskro dromestar tele, oun doukran pen kokres.

Čačepangre 16:17

Oun yob penas lake lauter, hoy an leskro dji hi, oun penas ap late: “An ko tselo tsiro, kay me djivau, van mire balla gar činlo. Yaake rah har boldo vom, hom me o Debleske dino. Te činell yek mire balla tele, palle djal i zoor mandar krik, oun me vau yaake har hako vavar morsh ninna.”

Čačepangre 16:19

Oun yoy moukas o Simsones an lakri gali dren te sovell, oun das pal yekeste gole, kay leske i efta tsopfe tele činas. Oun yaake kras li les tiknes. Oun leskri zoor djas peske lestar.

Čačepangre 16:5

Kote djan i raya pral i Filistarya pash late, oun penan ap late: “Rake leha shoukar oun hatse vin, kay leskri bari zoor vella, oun har nay vah zorleder har yob, te pandas les oun čivas les tel maro vast. Oun hakeno mendar dell touke koleske 1.100 (yek-sero-yek-sheel) roupene beme.”