Čačepangre 16:14 - O Debleskro Lab 2024 (Sinte-Manouche)

¹⁴ Oun har sovas lo, pandas yoy leskre balla khetne i thabentsa ap lakro thabengro banko, oun las i kangli oun tserdas lauter zoreles khetne, oun penas: “Filistarya hi pral toute, Simson!” Kote stas lo dran peskro sopen pre, oun tserdas peskre balla khetne i thabentsa vin dran o thabengro banko. Ninna ko kasht, hoy lauter pandlo rikras, tserdas lo vin.

O Debleskro Drom 2021 (Sinte)

¹⁴ Un har sowas lo, pandas joi leskre balla khetne i thabentsa ap lakro thabengro banko, un las i kangli un tserdas lauter soreles khetne, un penas: “Filistarja hi pral tute, Simson!” Kote stas lo dran peskro sopen pre, un tserdas peskre balla khetne i thabentsa win dran o thabengro banko. Ninna ko kasht, hoi lauter pandlo rikras, tserdas lo win.

Čačepangre 16:14 ပူးပေါင်းရင်းမြစ်များ

Debleskri gili 106:43

Boud kope las lo len dran lengre vasta vin. Oun pale te pale kran le kova, hoy rhoyras les, oun moukan gar tele pengro čilačo koova, oun van boud oun boudeder koy dren.

Čačepangre 16:13

Kote penas i Delila ap o Simson: “Bis kanna rhorhral man, oun penal mange gar o čačepen. Kanna pen mange čačepah, har nay pandenn le tout!” Kote penas lo ap late: “Te pandeh tou mire efta tsopfe mashkral o thab ap tiro thabengro banko oun leh i kangli oun tserdeh lauter zoreles khetne, palle nashrau miri zoor oun vau yaake har i vavar morsh.”

Čačepangre 16:15

Kote penas li ap leste: “Har nay peneh tou ap mande me kamau tout, te hi tiro dji gar mantsa? Triin kope rhorhral tou man, oun penal mange gar, kay tiri bari zoor vell.”