Čačepangre 15:14 - O Debleskro Lab 2024 (Sinte-Manouche)

¹⁴ Oun har lo an o foro Lehi vas, dan i Filistarya bari gole i barhtyatar. Oun o baro Debleskro dourho vas pral leste. Oun kol shelle troul leskre moussya van har layntikre thaba, ap kolende yag vas, oun peran tele.

O Debleskro Drom 2021 (Sinte)

¹⁴ Un har lo an o foro Lehi was, dan i Filistarja bari gole i bachtjatar. Un o baro Debleskro ducho was pral leste. Un kol shelle trul leskre mussja wan har laintikre thaba, ap kolende jag was, un peran tele.

Čačepangre 15:14 ပူးပေါင်းရင်းမြစ်များ

Hiob 20:5

vell koy barhteli gole kol čilačendar kokres i tikno tsiro shounlo. Oun koy barht kolestar, kay kamell či o Deblestar te djinell, djal sik trouyel.

Debleskri gili 118:11

Haki rigyatar van le ap mande pre. An i zoor o baro Deblestar nay tradom len pale.

Debleskri gili 18:34

Yob krell mire herya yaake sik, har te vans le i herya i vesheskri groumyatar, te vap zoreles tardo ap i pralstoune berge.

2. Mose 14:3

O Farao patsella palle: Yon nashran pen an o moulo them oun hatsenn kek drom vin.

2. Mose 14:5

Har o rayeske pral o them Egiptia penlo vas, te nashan i Israelitarya penge, khaytas les oun leskre pralstunen, te moukan le len te djal. Oun yon penan: “Hoske kram mer kova, te moukam i Israelitarya te djal? Mer nashram mare boudepangren!”

Micha 7:8

Ma san pral mande, t'mer, kay kamenn man tele te rikrell! Ninna te vom ap i phoub vitsedo, stau me pale pre. Ninna te hom an i kali rat beshdo, hi o baro Devel miri momeli.

Zakarie 4:6

“Kol efta momlia hi o baro Debleskre yaka, hoy lauter dikenn, hoy ap i phoub djala.”

Filiparja 4:3

Me mangau ninna tout, miro lačo males, ab lenge ap i rig! Har sikrom i menshenge o Yezouseskro drom, boudran le khetne mantsa oun o phraleha, o Klemens, oun kol vavarentsa, kolengre laba hi činlo an o Debleskro liil, kay halauter dren činlo hi, kay lenn o Debleskro djipen.

Čačepangre 14:19

Oun o baro Debleskro dourho vas pral leste. Oun yob djas tele an o foro Ashkelon oun das triyanda morshen lendar moulo, oun rivas len vin, oun das kol koola kolen, kay leske penan, hoy peskre laba kaman te penell. Oun bari rholyah djas lo pale an peskro dadeskro kheer.

Čačepangre 14:6

Oun o baro Debleskro dourho vas pral o Simsoneste. Oun peskre vastentsa phagas lo o leves an kotya, har te vals kova i bouzni. Peskro dadeske oun peskri dake penas lo či kolestar.

Čačepangre 15:13

Oun yon penan ap leste: “Na-a, mer kamah tout te pandell oun tout an lengre vasta te dell, oun či vavares. Mer kamah tout gar moulo te dell.” Oun yaake pandan le les douy neve shellentsa. Oun anan les le vin dran ko barrengri grotta.

Čačepangre 15:9

Oun i Filistarya djan pre an o them Youda oun čivan pengre plarhtene khera troul o foro Lehi.

Čačepangre 16:12

Kote las i Delila neve shelle, oun pandas les kolentsa. Ninna kava kopo his morsha khatedo an o kheer oun louran leske pre. Oun yoy penas ap leste: “Filistarya hi pral toute, Simson!” Kote phagas lo kol shelle tele peskre moussyendar, har vans le thaba.

Čačepangre 16:24

Oun har i Filistarya o Simsones dikan, sharan le pengro debles oun givan: Maro devel das koles an maro vast, kay menge čilačepen kras, koles, kay maro them khetne das, oun boud mendar maras.

Čačepangre 16:9

Pash late an o kheer his morsha khatedo. Kolla louran leske pre. Oun yoy penas ap o Simson: “Filistarya hi pral toute, Simson!” Kote phagas lo kol shelle paash yaake har dorya, te vell yag ap lende. Oun yaake hatsan le gar vin, kay leskri zoor vella.

Čačepangre 3:10

Oun o baro Debleskro dourho vas pral leste, oun yob vas o čačepaskro ray pral i Israelitarya. Oun yob djas vin an o kourepen. Oun o baro Devel das o baro rayes pral o them Mesopotamia an leskro vast. Koleskro lab his Koushan-Rishatayim. Oun o Otniel vas zorleder har yob.

Čačepangre 5:30

Čačepah hatsan le boud, hoy yon peha lenn, shoukar bravlepen hakeneske: Yek rakli, douy raklia hako morsheske, oun kouč shoukar ripya o Sisereske, ninna menyakre dikle, kay shoukar koova dren sido hi.

1. Samuel 10:10

Har van le pash Gibea, van Debleskre rakepangre ap o drom pash lende. Oun o Debleskro dourho vas pral leste, yaake te rakras lo lentsa khetne o Debleskro rakepen vin.

1. Samuel 10:6

Oun o baro Debleskro dourho vell pral toute, oun tou rakreh lentsa khetne o Debleskro rakepen vin. Oun kote veh tou i vavar mensho.

1. Samuel 11:6

Oun har o Saul kol laba shounas, vas o Debleskro dourho pral leste, oun i rholi rhačras an leste pre.

1. Samuel 17:35

palle nashom me leske palla oun dom an leste dren oun lom leske o bakro pale dran leskro mouy vin. Oun te hadas lo pes ap mande pre, palle taprom les pash leskri čor oun dom les moulo.

1. Samuel 4:5

Oun har ko morhton ap i platsa vas, stan i tsele Israelitarya, oun dan yaake bari gole i barhtyatar, te djas i phoub tel lengre herya.