Čačepangre 14:6 - O Debleskro Lab 2024 (Sinte-Manouche)

⁶ Oun o baro Debleskro dourho vas pral o Simsoneste. Oun peskre vastentsa phagas lo o leves an kotya, har te vals kova i bouzni. Peskro dadeske oun peskri dake penas lo či kolestar.

O Debleskro Drom 2021 (Sinte)

⁶ Un o baro Debleskro ducho was pral o Simsoneste. Un peskre wastentsa phagas lo o lewes an kotja, har te wals kowa i busni. Peskro dadeske un peskri dake penas lo tchi kolestar.

Čačepangre 14:6 ပူးပေါင်းရင်းမြစ်များ

Debleskri gili 91:13

I leve oun i sapa nay doukrenn tout gar. Tou stakreh len lauter khetne.

Jesaja 42:2

Yob dell gar gole, oun krell kek bare laba, oun leskro rakepen vell gar shounlo an i dromma.

Zakarie 4:6

“Kol efta momlia hi o baro Debleskre yaka, hoy lauter dikenn, hoy ap i phoub djala.”

Mateo 11:29

Me hom t'menge i lačo ray, oun dikau ap kekeste tele. Shounenn ap mande oun krenn, hoy me t'menge penaua! Oun t'maro dji vell pale zorelo.

Hebrearja 11:33

Kol tsele morsha patsan, hoy o Devel lenge penas. Mashkral lende his ninna kolla, hoy kouran pen kol bare rayentsa oun kol rayengre lourdentsa. Oun yon his zorleder har kol bare raya oun lengre lourde. Vavar kran o čačepen oun dikan pengre yakentsa, har kova čačo vas, hoy o Devel lenge penas. Vavar van glan bare oun divye margodje vitsedo, oun kolla dandran len gar.

1. Johanni 3:8

Kolla, kay djivenn an o čilačepen, kolla hi o bengestar. O beng krella o čilačepen yaake rah, har yob koy hi. Doleske vas o Debleskro čavo ap kay phoub, te phagell lo o bengeskri zoor.

Čačepangre 11:29

Kote vas o dourho o baro Deblestar pral o Yefta. Oun yob djas an o tselo them Gilead oun Manasse trouyel oun vas pale an o foro Mispe an Gilead. Oun kotar djas lo an o kourepen, te kourell lo pes i lourdentsa dran o them Ammon.

Čačepangre 13:25

Oun o dourho o baro Deblestar vas ap leste o ersto kopo, har his lo ap i platsa Makaneh-Dan mashkral i forya Zora oun Eshtaol.

Čačepangre 14:19

Oun o baro Debleskro dourho vas pral leste. Oun yob djas tele an o foro Ashkelon oun das triyanda morshen lendar moulo, oun rivas len vin, oun das kol koola kolen, kay leske penan, hoy peskre laba kaman te penell. Oun bari rholyah djas lo pale an peskro dadeskro kheer.

Čačepangre 14:5

Oun o Simson djas peskro dadeha oun peskri day tele an o foro Timna. Oun har van le pash i drakengre rouka glan o foro Timna, stas i terno levo bari golyah ap leste.

Čačepangre 14:7

Oun yob djas tele an o foro, oun rakras koy rakyah. Oun an leskre yaka his yoy shoukar.

Čačepangre 15:15

Oun yob hatsas i mouyeskro kokalo i mouli eslatar, las les an o vast oun das leha 1.000 (yek zero) morshen moulo.

Čačepangre 15:8

Oun yob das len zoreles khetne, oun djas tele oun djivas an koy barrengri grotta pash Etam.

Čačepangre 16:30

Oun o Simson das gole: “Me merau i Filistarentsa!” las peskri tseli zoor khetne oun vitsras kol barra trouyel. Oun kote peras ko tselo kheer pral kol i Filistarya oun lengre rayende khetne. Yaake his kolen, kay yob peha an o merepen las, boudeder har kolen, kay yob an peskro djipen maras.

Čačepangre 3:10

Oun o baro Debleskro dourho vas pral leste, oun yob vas o čačepaskro ray pral i Israelitarya. Oun yob djas vin an o kourepen. Oun o baro Devel das o baro rayes pral o them Mesopotamia an leskro vast. Koleskro lab his Koushan-Rishatayim. Oun o Otniel vas zorleder har yob.

1. Samuel 10:16

“Yob penas, te hi i esle hatslo,” penas o Saul. Yob penas peskro kakeske gar, te penas o Samuel, te vell lo ray.

1. Samuel 10:6

Oun o baro Debleskro dourho vell pral toute, oun tou rakreh lentsa khetne o Debleskro rakepen vin. Oun kote veh tou i vavar mensho.

1. Samuel 11:6

Oun har o Saul kol laba shounas, vas o Debleskro dourho pral leste, oun i rholi rhačras an leste pre.

1. Samuel 14:1

Oun ap yek dives penas o Yonatan ap koleste, kay leskro kourepaskro koova hidjrell: “Am, djas pash kol Filistarya, kay yak denn koy vergel!” Peskro dadeske penas lo či.

1. Samuel 17:46

Kava dives dell o baro Devel tout an miro vast. Oun me dau tout moulo, oun dau tiro shero toutar tele. Oun kava dives dau i tsele moule lourden t'mendar Filistarya i čirklende tel o bolepen te rhal oun i divye firhende ap kay phoub. Palle dikenn oun hayvenn le an i tsele themma, te hi i Israelitaryen i Devel.