Čačepangre 14:12 - O Debleskro Lab 2024 (Sinte-Manouche)

¹² Oun o Simson penas ap lende: “Me kamau t'men čomone phares te poučell oun dikell, koon kova djinella. Oun te hatsenn kova an kal efta divessa vin, kay rhah oun piyah khetne, palle dau me t'men triyanda layntikre gada, oun triyanda shoukar ripya.

O Debleskro Drom 2021 (Sinte)

¹² Un o Simson penas ap lende: “Me kamau tumen tchomone phares te putchell un dikell, koon kowa djinella. Un te hatsenn kowa an kal efta diwessa win, kai chah un pijah khetne, palle dau me tumen trijanda laintikre gada, un trijanda shukar ripja.

Čačepangre 14:12 ပူးပေါင်းရင်းမြစ်များ

1. Mose 45:22

Hakenes das yob yek shoukar ripen. O Benyamin las triin-sheel roupene kotya love oun panč shoukar ripya.

1. Rajengro liil 10:1

Oun koy rayetsa pral o them Saba shounas, har an-diklo o Salomo vas, oun havo kheer yob o baro Debleske kras. Kote vas li pash leste, te poučell li lestar savo koova, hoy kek vavar djinell.

2. Rajengro liil 5:22

Yob penas: “Ava. Miro ray bičras man, te penap touke, te van kanna pash leste douy Debleskre rakepangre dran kol berge Efrayim. De man lenge triyanda kilogramme roup oun douy shoukar ripya!”

2. Rajengro liil 5:5

“Dja koy”, penas o baro ray pral Syria. “Me kamau o baro rayeske pral Israel i liil te činell.” O Naaman djas koy oun las peha efta centnarya roup oun shob zerya sonakangre love oun deesh rayle ripya.

2. Familjakro liil 7:8

Ap ko tsiro his kol bare divessa, kay djivenn i Israelitarya an patyengre khera. Oun o Salomo khetne kol tsele Israelentsa rikran kol efta bare divessa. His boud menshe kote khetne dran o tselo them, foun Lebo-Hamat bis pash koy tala mank Israel oun Egiptia.

Debleskri gili 49:4

Miro mouy rakrell goseve laba, oun dran miro dji vell kova, hoy mishto hayvom.

Gosewe laba 1:6

Yon nay hayvenn goseve laba, oun rakepen, kay o čačepen dren khatedo hi, ava, laba, kay goseve menshe penan, oun save, kay hounte rodess, hoy yon kamenn te penell.

Gosewe laba 31:24

Kouč gada krell li oun bikrell len, oun i parepangre lenn latar kol pereskre dorya, hoy yon bikrenn.

Ezekiel 17:2

Tou, mensho, pen i menshenge dran o kheer Israel phare laba, oun pouč lendar, hoy kamenn kolla te penell!

Mateo 13:13

Doleske rakrau save laba ap lende, kay hi i khatedo čačepen dren. Kal menshe dikenn, hoy krau. Oun yon krenna, har te dikans le les gar. Oun yon shounenn, hoy penau, oun hayvenn kova gar.

Mateo 13:34

Kova lauter rakras o Yezous ap lende save labentsa, kay i khatedo čačepen dren hi. Vavarčandes rakras lo gar ap lende.

Mateo 27:28

Oun yon rivan leske leskre koola vin, oun čivan leske i loli rayeskri plaashka trouyel.

Mateo 6:19

Anenn t'menge kek bravlepen ap i phoub khetne! Kote hi i kirme, hoy i ripya rhana. Koy krell o pani o saster paash. Kote hi i čorepangre, kay čorenn t'maro bravlepen.

Louka 14:7

Oun o Yezous dikas, har kolla, kay an o kheer dren van, penge i feteder beshepangre vin rodan. Doleske penas lo lenge laba, kay i khatedo čačepen dren hi, oun penas:

Johanni 16:29

Koy penan leskre mala ap leste: “Kanna rakreh tou yaake, kay hayvah kova. Tou rikreh bouder či pale.

1. Korintarja 13:12

Kanna dikah o Debleskro koova gar mishto. Mer dikah kova yaake har an o phouro blendari. Yek dives vella, kay dikah mer o Debles, har yob hi. Lauter, hoy me kanna lestar djinau, hi tikne kotya. Vell ko dives, kay prindjrau les yaake, har yob man prindjrella.

Jakobo 5:2

T'mer nashrenn t'maro bravlepen. Oun t'mare ripya rhan i kirme.

Čačepangre 14:11

Oun har i morsha les dikan, rodan le triyanda terne morshen vin, te djan yon leha.

Čačepangre 14:13

Te hatsenn kova gar vin, palle hounte denn t'mer man kol triyanda layntikre gada oun triyanda shoukar ripya.” Oun yon penan: “Ava, yaake vell! Mouk kanna te shounell, hoy yaake phares hi!”