Čačepangre 13:16 - O Debleskro Lab 2024 (Sinte-Manouche)

¹⁶ O bolepaskro o baro Deblestar penas ap o Manoa: “Ninna te rikrals man kay, me rhaus tiro rhapen gar. Tou te kameh, nay rhačreh koy bouzni o baro Debleske.” O Manoa hayvas gomme gar, te hi lo o bolepaskro o baro Deblestar.

O Debleskro Drom 2021 (Sinte)

¹⁶ O bolepaskro o baro Deblestar penas ap o Manoach: “Ninna te rikrals man kai, me chaus tiro chapen gar. Tu te kameh, nai chatchreh koi busni o baro Debleske.” O Manoach haiwas gomme gar, te hi lo o bolepaskro o baro Deblestar.

Čačepangre 13:16 ပူးပေါင်းရင်းမြစ်များ

1. Mose 18:5

Me lau t'menge maro, te venn pale zoreles. Pal kova nashte djan doureder, har t'mer kamenna. Yaake van gar čičeske pash mande.” Oun yon penan: “Kre yaake, har tou penal!”

Čačepangre 13:21

Kanna hayvas o Manoa: Kova his o bolepaskro o baro Deblestar. Oun pal kova dikan le les bouder gar.

Čačepangre 13:23

“Na-a”, penas leskri romni, “te kamals o baro Devel men te marell, palle lals lo gar ko firhes oun ko maro dran maro vast, hoy leske dam oun leske rhačram. Oun yob sikrals men gar kava lauter, hoy dikam, oun penals menge gar kanna savo koova.”

Čačepangre 6:20

Oun ko Debleskro bolepaskro penas ap leste: “Le ko mass oun kol mare oun čip len ap ko baro bar kote. Oun čore koy soummi pral kova!” Oun yob kras yaake.

Čačepangre 6:26

Oun kre i rhačepaskri o baro Debleske, kay tiro Devel hi, kate pral ap kay berga, kay t'maro zorelo kheer tardo hi! Oun le ko douyto gouroum oun mare les mange oun rhače les mange kote! Kre koy yag ko kashteha, hoy i debletsa Ashera his, hoy tou trouyel dal!”