Čačepangre 12:3 - O Debleskro Lab 2024 (Sinte-Manouche)

³ Oun har dikom, te venn t'mer gar, kote hounte dom kokres ap mande yak oun djom koy, te kourap man lentsa. Oun o baro Devel das len an miro vast. Oun hoske djan t'mer kava dives pash mande pre, te marenn t'men mantsa?”

O Debleskro Drom 2021 (Sinte)

³ Un har dikom, te wenn tumer gar, kote hunte dom kokres ap mande jak un djom koi, te kurap man lentsa. Un o baro Dewel das len an miro wast. Un hoske djan tumer kau diwes pash mande pre, te marenn tumen mantsa?”

Čačepangre 12:3 ပူးပေါင်းရင်းမြစ်များ

2. Familjakro liil 13:12

Dikenn, mentsa hi o Devel oun djal glan mende. Ninna leskre rashaya hi kate, te phourdenn le an i phourdepangre oun denn men o sikepen, te djas mer an o kourepen t'mentsa. T'mer Israelitarya, ma kourenn t'men o baro Debleha, kay o Devel t'mare phourendar hi! T'menge djal kova gar mishto vin!”

Hiob 13:14

Hoske rikrap ap miro djipen? Me dau gar yak ap miro djipen.

Debleskri gili 119:109

Miro djipen hi hako tsiro gar dour o merepastar. Tiro drom bistrau me gar.

Remarja 16:4

Har kaman man i menshe te marell, van le ap miri rig. Lengro djipen his lenge či moldo. Pash lende parkrau man gar kokres, na-a, ninna i tsele patsle, kay kek bibolde hi, parkrenn pen pash lende.

Debleskro tsiro 12:11

Mare phrala his zorleder har ko phoukepaskro. O terno bakro, hoy maredo vas, kova thovas lengri doosh peskro rateha tele. Mare phrala sikran i menshende o čačo drom pash o Debleste, ninna te van le doleske maredo.

Čačepangre 11:27

Na-a, me krom kek čilačepen ap toute. Tou kameh mange čilačepen. Tou veh te maras men! O baro Devel, kay o čačepaskro ray hi, kava dives mou krell lo o čačepen mank mende vin, mank o Israel oun i Ammonarya!”

Čačepangre 12:2

Kote penas o Yefta ap lende: “Men his i pharo kourepen i Ammonentsa, man oun mire menshen, oun me moukom t'men gole te dell. Oun t'mer van gar ap miri rig.

Čačepangre 12:4

Oun o Yefta moukas i morshen dran Gilead khetne te vell. Oun yon maran pen i morshentsa dran Efrayim. Oun i morsha dran Gilead dan i morshen dran Efrayim. [Glan i tsiro penan i morsha dran Efrayim: T'mer dran Gilead han či har naashepangre, kay nashan penge dran o them Efrayim an o them Manasse. T'maro them Gilead hi čiddo mashkral Efrayim oun Manasse.]

Čačepangre 9:17

Miro dad djas t'menge an o kourepen, kay nay vals lo maredo, oun las t'men vin dran i vasta kolendar dran Midian.

1. Samuel 19:5

Yob dikas gar ap peskro djipen, har djas lo koy oun kouras pes o Filistareha oun das les moulo. Yaake te las o baro Devel o tselo Israel dran i vasta i Filistarendar. Oun tou dikal kova oun hals barhtelo. Hoske kameh tou doosh ap toute te anell oun i rat yekestar, koles kek doosh ap peste hi? Hoske kameh tou o Davides moulo te dell čičeske?”

1. Samuel 28:21

Oun koy djouvel djas pash o Saul, oun har yoy dikas, har djoungeles leske djala, penas li ap leste: “Dik, me, tiri boudepaskretsa, shounom ap toute, oun dom miro djipen an tire vasta, har shounom, hoy mandar kamal.