Čačepangre 11:27 - O Debleskro Lab 2024 (Sinte-Manouche)

²⁷ Na-a, me krom kek čilačepen ap toute. Tou kameh mange čilačepen. Tou veh te maras men! O baro Devel, kay o čačepaskro ray hi, kava dives mou krell lo o čačepen mank mende vin, mank o Israel oun i Ammonarya!”

O Debleskro Drom 2021 (Sinte)

²⁷ Na-a, me krom kek tchilatchepen ap tute. Tu kameh mange tchilatchepen. Tu weh te maras men! O baro Dewel, kai o tchatchepaskro rai hi, kau diwes mu krell lo o tchatchepen mank mende win, mank o Israel un i Ammonarja!”

Čačepangre 11:27 ပူးပေါင်းရင်းမြစ်များ

1. Mose 16:5

Koy penas i Saray ap o Abram: “Kay bibarht, hoy man hi, hi tiri doosh. Me dom tout miri boudepaskretsa, te vell li tiri romni. Kanna, kay yoy hayvella, kay vell li day, hom me bouder či moldo an lakre yaka. O baro Devel mou vell miro čačepaskro ray.”

1. Mose 18:25

Ko nashte kreh tou gar, te dess kolen temerl, kay kek čilačepen kran – khetne kolentsa, kay čilačo hi. Yaake te djal koleske, kay an o čačepen tardo hi, har koleske, kay čilačo hi. Tou hal o čačepaskro ray pral i tseli phoub. Kameh tou čomone te krell, hoy gar mishto oun čačo hi?”

1. Mose 31:53

Ko Devel, kay hi o Abrahameskro Devel oun o Nahoreskro Devel, kova mou dell koles i phagi, kay rikrell pes gar ap kova.” Yaake das pes o Yakob sovel ap ko Debleste, kay leskro dad Isaak daras lestar.

2. Familjakro liil 20:12

Maro Devel, kameh len gar pengri phagi te dell? An mende hi kek zoor, te dikah har boud yon hi, kay kamenn pen mentsa te kourell. Oun mer djinah gar, hoy te kras; doleske dikenn mare yaka ap toute.”

Hiob 23:7

Palle anoms miro čingepen glan leste, oun sikroms, te hom an o čačepen tardo. Oun o Devel, miro čačepaskro ray, dikals, te hi kek doosh ap mande, oun moukals man te djal hako tsireske.

Hiob 9:15

Ninna te vals man čačes, nay rakroms či ap leste, hoy yob mandar poučas. Me nay mangoms kokres lačepen lestar, kay miro čačepaskro ray hi.

Debleskri gili 50:6

O bolepen kharell: O Devel hi o čačepaskro ray! Oun lauter hoy yob vi-rakrell, hi čačo.

Debleskri gili 7:11

O Devel rikrell peskro vast pral mande. Yob lell kolen dran i bibarht vin, kay shounenn ap leste pengro tselo djiyeha.

Debleskri gili 75:7

Čačo barepen vell gar kotar, kay o kham pre-djala, oun gar kotar, kay o kham tele djala, vitar gar dran o moulo tato them.

Debleskri gili 82:8

Ste pre, maro Devel oun rake o čačepen vin pral i tseli phoub! Tire hi i menshe an i tsele themma.

Debleskri gili 94:2

Tou hal o čačepaskro ray pral i tseli phoub, de kol pre-phourden pengri phagi!

Debleskri gili 98:9

glan o baro Debleste! Yob vella oun rakrell o čačepen vin pral i tseli phoub. Yob hi o čačepaskro ray pral i tsele themma, oun dell hakeneste pal kova, hoy lo kras.

Sikepaskro 11:9

Terno morsh, mouk tiro dji te givell an tire terne bersha! Ab barhtelo yaake rah, har terno hal. Kre, hoy tiro dji touke penella oun tire yakentsa mishto hi; oun biste gar, te vell i dives, kay rakrell o Devel o čačepen vin pral toute oun halauter, hoy kral.

Sikepaskro 12:14

O Devel rakrell o čačepen vin pral halauter, hoy kram, ko lačo oun ko čilačo koova, ninna te hi kova kanna khatedo.

2. Korintarja 11:11

Hoske penau me kova yaake? Hi man kek kamlepen t'menge? O Devel djinella, kay kamau t'men o djiyestar.

2. Korintarja 5:10

Ap ko dives, kay rakrell o Yezous Kristo o čačepen pral mende vin, hounte vas mer halauter glan leste tardo. Oun hakeno lell pal kova, hoy yob kras, har djivas lo ap i phoub: lačo koova har čilačo koova.

2. Timoteo 4:8

Kova, hoy kanna glan mande hi, hi ko shoukar koova, hoy kolla lenna, kay kran, hoy o Devel kamella. Oun kova dell man maro ray Yezous. Yob hi ko čačepaskro ray, kay djal pal o čačepen. Ko shoukar koova dell lo man ap ko dives, kay yob o čačepen vi-rakrell pral i tsele menshende. Ko shoukar koova dell yob gar mande kokres. Yob dell kova lauterende, kay dikenn o tselo djiyestar ap ko dives, kay vell lo pale.

Hebrearja 12:23

Kote venna o Debleskre čave khetne. Lengre laba hi an o bolepen pre činlo. Kote hi o Devel, kay rakrell o čačepen vin pral i tsele menshende. Kote hi ninna kol tsele patsle, kay meran oun kolen o Devel pash peste las.

Čačepangre 11:28

O ray pral i Ammonarya shounas gar ap i laba, hoy o Yefta leske moukas te penell.

1. Samuel 2:10

Kolla, kay čingrenn ap baro Debleste, venn moulo dino. Dran o bolepen bičrell o Devel peskri rholi pral lende. O baro Devel dell i tseli phoubyat peskri phagi. Yob rodell koles vin, kay baro ray vell, oun dell les bari zoor.

1. Samuel 24:12

Miro dad, dik kava kotar dran tiri baya an miro vast! Me činom les dran tiri baya tele, oun dom tout gar moulo. Ap kova nay dikeh oun hayveh, te hom kek phoukepaskro oun kamau tout kek čilačepen te krell. Tou leh man palla te dess man moulo, ninna te krom touke či.

1. Samuel 24:13

O baro Devel mou vell o čačepaskro ray mank mende douyende! Yob dell tout pale, hoy tou ap mande kral! Miro vast taprell tout gar an!

1. Samuel 24:15

Kones leh tou, o baro ray pral o Israel, palla? Koneske tradeh tou palla? Man, kay hom har i moulo djouklo, či vavar har yek poushoum!

1. Samuel 24:16

O baro Devel mou vell o čačepaskro ray mank mende douyende oun rakrell o čačepen pral mende! Yob te lell kava koova an o yak, oun miro čingepen touha an o vast, te dell lo man miro čačepen!”